web counter
LEXO PA REKLAMA!

SHKARKO APP

App Store
Google Play

Eksponentët e krimit ndihen të sigurt/ Gazetari: Ja pse ka kaq shumë shqiptarë në Dubai

23 Prill 2024, 19:51, Aktualitet CNA
Eksponentët e krimit ndihen të sigurt/ Gazetari: Ja pse ka kaq
Dubai

Gazetari Sokol Bregu ka folur ditën e sotme, për shqiptarët që jetojnë në Emiratet e Bashkuara Arabe, dhe zbuloi pse një numër kaq i madh personash zgjedhin të jetojnë atje.

Në një prononcim për mediat, Bregu tha se eksponentë të krimit të organizuar zgjedhin të jetojnë në Dubai, pasi janë të sigurt, ndryshe nga sa ndodh me atentatet që mund t’iu bëhen në Shqipëri.

“Mos të harrojmë që pjesa më e madhe e tyre nuk është në fshehje thjesht kanë zgjedhur të jetojnë atje për shkak të mospërplasjeve. Në Shqipëri, mund t’u ndodhë ndonjë atentat, atje e kanë jetën e sigurt”- tha gazetari.

Bregu mori si shembull atentatin e fundit të ndodhur në Dubai, dhe tha se autorët e vrasjes së biznesmenit u dënuan me vdekje, e një dënim i tillë bën që të tjerët të mos tentojnë të kryejnë vepra kriminale.

“Atentati i fundit me armë zjarri, ndan një biznesmeni. Vrasësit ishin kinezë dhe u dënuan me vdekje. Atje nuk ka shaka me ligjin. Nuk janë vetëm ata që kërkohen nga drejtësia shqiptare që jetojnë në Dubai. Ka edhe eksponentë të tjerë të krimit të organizuar që nuk janë në kërkim por për shkak të sigurisë dhe aleancave që kanë zgjedhin të jetojnë në Dubai”- u shpreh Bregu.

Në një investigim të publikuar nga gazeta zviceriane, rezulton se numri i shqiptarëve në Emiratet e Bashkuara arrin deri në 5 mijë persona gjatë verës. Në artikull thuhet gjithashtu, se në Dubai jetojnë edhe 500 eskorta shqiptare./ CNA





Lajmet e fundit nga