web counter
LEXO PA REKLAMA!

SHKARKO APP

E fundit!

x

Media italiane korrigjon veten, mohon lajmin për telefonatën e Ramës

23 Prill 2024, 18:51, Aktualitet CNA
Media italiane korrigjon veten, mohon lajmin për telefonatën e
Kryeministri Edi Rama

Paraditen e sotme, në median italiane “La Republika” u publikua një lajm ku thuhej se kryeministri shqiptar, Edi Rama kishte patur një telefonatë me tone të larta me drejtorin e RAI 3, për emisionin “Report”, i cili u transmetua nga kjo media.

Por lajmi rezultoi i pavërtetë.

Këtë e pohoi vetë “La Republika”. Media italiane konfirmoi në një artikull të korrigjuar, deklaratën e kryeministrit Rama, se nga ana e tij, pati vetëm një kërkesë për t'u dëgjuar.

Edi Rama e hodhi poshtë i pari lajmin për telefonatën me drejtorin e RAI 3, dhe sqaroi se ai kishte bërë thjesht një kërkesë për telefonatë në lidhje me “shpifjen skandaloze të emisionit Report”.

Dhe menjëherë pas tij, mesa duket ka reflektuar edhe vetë media italine e cila ka korrigjuar tekstin e lajmit, duke fshirë pjesën e "telefonatës së tërbuar", e cila nuk ndodhi kurrë.

Në versionin e ri të shkrimit, “La Reppublica” citon se drejtori i RAI 3, "mori edhe një mesazh nga kryeministri shqiptar Edi Rama me kërkesën për t'u dëgjuar në lidhje me episodin e “Raportit”, për marrëveshjen Itali-Shqipëri për çështjen e emigrantëve."/ CNA







Lajmet e fundit nga