Bujqësia në epokën digjitale/ Vodafone Albania, histori suksesi në Agrokulturën Inteligjente

23 Prill 2024, 15:48, Aktualitet CNA

Bujqësia në epokën digjitale/ Vodafone Albania, histori suksesi

Ditën e enjte, 18 prill, Vodafone Albania organizoi eventin “Agrokultura dhe Inteligjenca Artificiale”, një event shumë domethënës për “Shqipërinë në epokën digjitale”, ku morën pjesë partnerët dhe aktorët kyç të sektorit të bujqësisë e teknologjisë. Në event u fol për digjitalizimin e sektorëve jetikë, për të kontribuar kështu në një shoqëri më të qëndrueshme e gjithëpërfshirëse. Dhe bujqësia mbetet jo vetëm një nga drejtimet kyçe në zhvillimin e vendit, por edhe një sektor ku aplikimi i teknologjisë nga kompani lider, si Vodafone Albania, ka rezultuar mëse i suksesshëm.

Disa nga temat më të rëndësishme që u trajtuan në këtë konferencë ishin digjitalizimi i sektorit të agrokulturës, Inteligjenca Artificiale dhe teknologjitë e aplikuara në sektorin e bujqësisë, teknologjitë e reja në Agrokulturën Inteligjente, etj.

Bujqësia në epokën digjitale/ Vodafone Albania, histori suksesi

Eventi “Agrokultura dhe Inteligjenca Artificiale” ka për qëllim nisjen e diskutimeve për Bujqësinë Inteligjente në Shqipëri dhe për këtë arsye pjesë e tij u bënë të gjithë aktorët kryesorë të ekosistemit si qeveria, OJF-të, bizneset e sektorit të bujqësisë/fermerë dhe ekspertë të agrobiznesit, etj. Vodafone Albania ndau me të pranishmit shembuj konkretë se si teknologjitë e reja dhe Agrokultura Inteligjente janë implementuar në Shqipëri dhe në botë. Në fund të eventit, pjesëmarrësit plotësuan një pyetësor 5-minutësh për të matur nivelin e tyre të digjitalizimit.

CEO i Vodafone Albania, z. Balazs Revesz gjatë fjalës së tij u shpreh se bujqësia është një sektor prioritar për investime në inovacion dhe teknologji, identifikuar edhe nga qeveria shqiptare si një fushë kyçe, ku digjitalizimi i saj mund t’i shtojë vlerë të konsiderueshme ekonomisë. I certifikuar nga “Gartner” si lider botëror në menaxhimin e shërbimeve IoT, Vodafone përdor teknologjinë më të fundit të gjeneruar nga Inteligjenca Artificiale për të ofruar një përvojë të personalizuar e të diferencuar të klientit nëpërmjet platformave digjitale me kapacitet të lartë. Partneriteti strategjik me “Microsoft” do të përshpejtojë transformimin digjital të klientëve të biznesit të Vodafone Albania dhe do të rrisë cilësinë e përvojës së klientit për konsumatorët. Digjitalizimi i agrokulturës përmes zgjidhjes Vodafone Smart Agriculture siguron infrastrukturën për industrinë bujqësore, duke mundësuar monitorimin, analizimin dhe automatizimin e operacioneve.

Bujqësia në epokën digjitale/ Vodafone Albania, histori suksesi

Ministrja e Bujqësisë dhe Zhvillimit Rural, znj. Anila Denaj theksoi në fjalën e saj se digjitalizimi në fushën e bujqësisë lidhet me nevojat imediate që ka bujqësia për të garantuar efikasitet dhe të ardhura për fermerët, në kuadër të integrimit në Bashkimin Evropian.

Ministrja solli në vëmendje platformën digjitale “Portali i Fermerit” si një hap i rëndësishëm në programin e digjitalizimit të agrokulturës. Kjo platformë mbështet rritjen thelbësore të efikasitetit dhe transparencës në sektorin e bujqësisë. Nëpërmjet integrimit të teknologjisë mundësohet siguri e lartë drejt cilësisë ushqimore për konsumatorin lokal dhe ndërkombëtar.

Jonida Lakuriqi, Drejtoreshë e Departamentit Ligjor dhe Politikave Publike dhe Marrëdhënieve me Jashtë theksoi se Agrokultura dhe Teknologjia janë pjesë integrale e jetës sonë, ndërkohë që digjitalizimi është një prej shtyllave kryesore drejt Integrimit Evropian.

Revolucioni digjital në Shqipëri reflektohet në treguesit pozitivë të Indeksit të Ekonomisë dhe Shoqërisë Digjitale (DESI) në 4 fusha shumë të rëndësishme: në zhvillimin e kapaciteteve njerëzore, integrimin e teknologjive digjitale, rrjetin e lëvizshëm e fiks dhe shërbimeve publike digjitale.

Bujqësia në epokën digjitale/ Vodafone Albania, histori suksesi

Smart Agriculture ose Agrokultura Inteligjente, është një sfidë dhe një oportunitet për të gjithë aktorët e ekosistemit. Që teknologjia të jetë e aksesueshme ka nevojë të demokratizohet. Ajo është në funksion të fermerit, që nëpërmjet platformave të integruara të ketë akses në tregjet lokale e ndërkombëtare.

Sipas studimeve të prezantuara nga Vodafone Albania, zhvillimi digjital në Shqipëri është mbi mesataren e Ballkanit Perëndimor sa i takon integrimit të teknologjive digjitale, rrjetit të lëvizshëm e fiks dhe shërbimeve publike digjitale, por nevojiten përmirësime të mëtejshme në ngritjen e kapaciteteve njerëzore. Dhe një rol kryesor në këtë peizazh të Agrokulturës Inteligjente dhe aplikimin e teknologjisë në sektorin bujqësor ka luajtur pa diskutim vetë Vodafone Albania, në kuadër të agjendës së saj të “Smart Agriculture”, një model i shkëlqyer ofruar nga Vodafone Group.