web counter
LEXO PA REKLAMA!

SHKARKO APP

App Store
Google Play

E fundit!

x

EKSKLUZIVE- Ajola Xoxa shtatzënë

9 Dhjetor 2025, 13:13, Aktualitet CNA
EKSKLUZIVE- Ajola Xoxa shtatzënë
Ajola Xoxa

Me 12 akuza të provuara para drejtësisë dhe të kaluara për gjykim në GJKKO, bashkëshortja e Erion Veliajt, Ajola Xoxa, është shtatzënë.

Xoxa mësohet se është në muajin e katërt të shtatzënisë. Zonja Xoxa ka përdorur metodën invitro për të mbetur shtatzënë pas shumë tentativash të mëparshme të saj.

Shpesh këto lëvizje bëhen për t’iu shmangur dënimit. Mediat kanë raportuar se ka disa raste të tilla në proceset gjyqësore.

Pasi shtatzënia apo fëmija i mitur sjellin zbutjen e dënimit.

Kujtojmë se SPAK-u ka përfunduar hetimet dhe ka dërguar për gjykim zonjën Ajola Xoxa mbi të cilën rëndojnë 12 akuza, 9 për korrupsion, 1 për pastrim të produkteve të veprës penale, 1 për fshehje të pasurisë dhe 1 për mosdeklarim të pasurisë. 

Ndërkohë Erion Veliaj ndodhet në qelinë e burgut të Durrësit me 13 akuza, korrupsion, shpërdorim detyre, pastrim të produkteve të veprës penale, fshehje të pasurisë dhe futja e sendeve të ndaluara në qeli.

Veliaj po vijon skemën e tij me shtyrjen e gjyqeve dhe mospërballjen me drejtësinë. Deri më tani Veliaj ka shtyrë 8 seanca në të cilat do të vendosej nëse çështja do të kalonte apo jo për gjykim.

Kjo është një taktikë e përdorur që në krye të herës nga Veliaj, i cili ka frikë të dalë dhe të përballet me faktet dhe provat e paraqitura nga Prokuroria e Posaçme.

Veliaj është lënë në burg nga të gjitha nivelet e gjykatave.

SPAK-u gjatë hetimeve zbuloi dhe zbërtheu të gjithë skemën e çiftit Xoxa-Veliaj, ku kryebashkiaku duke keqpërdorur detyrën dhe fondet bekonte me miliona euro OJF-të që drejtoheshin nga bashkëshortja e tij./ CNA

 





Lajmet e fundit nga