web counter
LEXO PA REKLAMA!

SHKARKO APP

App Store
Google Play

“Do të përjashtojmë Ramën”/ Mesazhet e forta të kreut të PD-së nga protesta

3 Mars 2023, 13:39, Aktualitet CNA
“Do të përjashtojmë Ramën”/ Mesazhet e forta
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka përcjellë mesazhe të forta për rininë shqiptare.

Berisha u ka bërë thirrje t'i bashkohen revolucionit dhe të luftojnë për të ardhmen e tyre.

Gjithashtu thirrje u ka bërë edhe socialistëve që të bashkohen në revolucion pasi idealet e tyre nuk përkojnë me vjedhjet dhe shkatërrimin e vendit.

“Bashkohuji revolucionit. Revolucioni është për të rinjtë. Ju bën të trumfoni mbi çdo gjë. Luftoni për veten, për të ardhmen tuaj.

U bëj thirrje socialistëve, bashkohuni me këtë revolucion. Idealet tuaja nuk janë vjedhja dhe shkatërrimi i vendit. Revolucioni nuk është i Sali Berishës, por i çdo shqiptari që do Shqipërinë. 

Një thirrje vëllazërore do t'u drejtoj sot të gjithë atyre që i shohin forcat politike me mosbesim, që janë të dëshpëruar, që janë të zhgënjyer dhe vazhdojnë rrugën në vetminë e tyre.
Unë u them se keni shumë arsye për të qenë të dëshpëruar dhe zhgënjyer, por kurrë nuk mund të keni arsye për të qenë indiferentë.

Nuk ka gjë më vrastare për të ardhmen sa indiferenca! E keqja nuk kërkon gjë tjetër për të triumfuar veç indiferencës së njerëzve të mirë si ju.
Një thirrje u bëj të gjithë punonjësve të administratës shtetërore, mos harroni se në ligj dhe moral, ju nuk jeni badigardë as shërbëtorë të një organizate kriminale që kryesohet nga Edi Rama, por jeni shërbëtorë të qytetarëve.

Sot ju përjetoni një terror dixhital dhe të gjithanshëm. Bashkohuni me ne në këtë revolucion të përmbysim këtë organizatë kriminale. Të shpëtojmë Shqipërinë prej saj.
Revolucioni ynë ka për qëllim madhor t’i japë goditje përfundimtare varfërisë. Ne e konsiderojmë varfërinë nënën e të këqijave që ka sjellë Edi Rama.
Varfëria luftohet duke dyfishuar rrogat, pensionet, duke përgjysmuar taksat, duke përgjysmuar çmimin e energjisë.

Varfëria luftohet duke investuar në infrastrukturë për ju, shkolla, spitale, duke krijuar pra kushtet që ju meritoni.
Varfëria luftohet duke luftuar krimin e organizuar, korrupsionin me zero tolerancë.
Ne do dalim fitimtarë nga kjo betejë”, tha Berisha./ CNA.al





Lajmet e fundit nga