E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

"Deri në qershor 2026 janë 38 magjistratë që presin rivlerësimin nga KPA"/ Çomo: Jemi vlerësuar nga GJEDNJ

21 Tetor 2025, 11:55, Aktualitet CNA

"Deri në qershor 2026 janë 38 magjistratë që presin

Kreu i Kolegjit të Posaçëm të Apelimit, Sokol Çomo, në tryezën “30 vite partneritet dhe progres: Shqipëria, Këshilli i Europës dhe Komisioni i Venecias", deklaroi se deri në qershor të viti 2026 janë ende 38 magjistratë që presin vendimin nga KPA dhe 48 ankimime ende të pashqyrtuara.

Çomo deklaroi se puna e institucionit për rivlerësimin kalimtar është vlerësuar nga Gjykata Europiane e të Drejtave të Njeriut dhe po ashtu edhe nga institucionet europiane në kuadër të integrimit të Shqipërisë në BE.

"Me marrjen e një ekspertize ndërkombëtare, rol të rëndësishëm patën opinionet e Venecias. Në vitin 2017 u krijuan tri institucionet e rivlerësimit, KPA, KPK dhe Komisioneri Publik.

Miratimi i strukturave dhe kualifikimi i pagave iu dha si kompetencë Komisionit të Ligjeve, ishte një proces ku ligjvënësi mori përsipër mbarëvajtjen e këtyre 3 insitucioneve.

KPK kreu procesin e rivlerësimit kalimtar të pasurisë dhe pastëritisë së figurës dhe atë profesional. KPA u atashua pranë Gjykatës Kushtetuese dhe shërbeu si një gjykatë.

Në KPA u dorëzuan 718 ankimime çka tregon një volum shumë të lartë.

Kuvendi në 2022 vendosi të zgjaste mandatet për Kolegjin e Posaçëm të Apelimit, por jo për Komisionin e Posaçëm të Kualifikimit dhe Komisionerët Publikë, kjo solli problematika.

Komisionit të Posaçëm të Apelimit iu la vetëm 1 vit afat nga përfundimi i mandatit dhe u përballëm me një volum të lartë.

Na kanë ngelur edhe 48 ankimime për të shqyrtuar deri në muajin qershor 2026. Në total deri në fund të procesit edhe 38 magjistratë presin vendimin.

Procesi i rivlerësimit ka marrë vlerësime në kuadrin e rekomandimeve për integrimin e Shqipërisë në BE dhe GJEDNJ.

Me përfundimin e këtij procesi institucionet do të vijojnë punën në përputhje me arkitekturën e drejtësisë së re", deklaroi Çomo./CNA