web counter
LEXO PA REKLAMA!

SHKARKO APP

App Store
Google Play

E fundit!

x

"Berisha të kërkojë falje për 2008-n"/ Ndoka: Rama do tallet me opozitën në tryezën për Kodin Zgjedhor

29 Tetor 2025, 21:48, Aktualitet CNA

"Berisha të kërkojë falje për 2008-n"/ Ndoka: Rama

Ish-deputeti Nard Ndoka në një dalje televizive deklaroi se Kodi Zgjedhor aktual është antikushtetues. Ish-deputeti tha se Partia Demokratike duhet të krijojë një front të gjerë opozitar dhe jo të afrojë partitë vetëm për të marrë 50 mijë votat.

Ndoka deklaroi se votat e aleatëve janë vjedhur përmes Kodit Zgjedhor dhe Berisha duhet të kërkojë falje për ndryshimet kushtetuese të vitit 2008.                                      

"Ky Kod Zgjedhor është antikushtetues që vota e qytetarë shqiptarë nuk ka të njëjtën peshë si në Shkodër, si në Tiranë si në Vlorë. Edhe kjo është problemi shumë i madh. Atëherë kur t'i hap një debat politik publik që të flasin të gjithë dhe sheh formën pse ju duhet senati. Partia Demokratike a do të mbrojnë standardin e zgjedhjeve apo do të mbrojnë pazaret e veta?

Ky është një moment shumë i rëndësishëm. Pra Partia Demokratike sot duhet të bëjë një front të zgjeruar opozitar me sa më shumë aleatë të mundshëm. E cila është garancia që po i afron standarde? Po i afron edhe ato parti politike që kanë marrë 50.000 vota dhe kanë një mandat. Kjo është shkelja e rëndë e Kushtetutës për mua. Po flas për një element të demokracisë funksionale dhe përfaqësuese. Pra ato nuk përfaqësohen se ti nëpërmjet ligjit i ke vendosur pengesa. Ti nëpërmjet ligjit ja ke vjedhur në mënyrë ligjore votat, përfaqësimin e qytetarëve shqiptarë.

Edhe një opozitë e ndershme i rregullon këto standarde, madje ju kërkon edhe falje atyre që e kemi bërë këtë gabim në 2008-ën".

Gjithashtu Ndoka tha se Edi Rama është mjeshtër i marrjes së votave nga opozita për Kodin Zgjedhor dhe do të tallet me opozitën

"Çfarë na garanton ne që Edi Rama futet në proces me Partinë Demokratike edhe në finish nuk përdor ato vota që i ka sot në parlament që nuk i ka pas asnjëherë, vetëm kur ja dhuroi Luli me ato korporatat e Jenisherët. Sot i ka të fituara. Po ka 83 vetë po ka edhe pesë gjashtë të tjerë që i ka të gatshëm. Po shohin a mund të kapin edhe nga një te PD-ja se e tillë është fryma aty.  Për një copë drejtor ikën ata jo më në Parlament. Rama është mjeshtër i këtyre gjërave.

Rama është mjeshtër për t’i marrë, PD-ja ka mjeshtërinë e artë për t‘i larguar. Pra në momentin final Partia Demokratike jep ato opsionet e veta për propozimet e veta, Rama bën si ka dëshirë ai. Ky është problemi. Edhe këtë do t'a bëjnë. Këtu do të jemi. Në qoftë se Edi Rama nuk do të tallet sërish si është tallë 12 vite me këto që i ul në tryezë, i ofron konsensusin. E patë me Lulzim Bashën garanci edhe faktorin ndërkombëtar", tha Ndoka./CNA

 

 

 

 

 

 





Lajmet e fundit nga