E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Bëmat e skafistit Çuçi dhe lidhja e tij me kontrabandistë/ Tender mikut të tij, të akuzuar si trafikant droge

5 Gusht 2022, 14:13, Aktualitet CNA

Bëmat e skafistit Çuçi dhe lidhja e tij me

Ministri i Brendshëm, Bledi Çuçi, është anëtar bordi i një shoqate që merret me sportet ujore me skaf.

Konfirmimi ka ardhur nga vetë Çuçi, i cili ndërsa tentoi të përgënjeshtronte se nuk ka një biznes skafesh në pronësi, konfirmoi lidhjen me persona problematikë.

Burri i dytë i gruas së tretë të Edi Ramës ka miq, persona që kanë probleme me drejtësisë si Roland Ziu apo Sokol Topçiu.

Ky i fundit është arrestuar më herët për kontrabandë.

Në tetor të vitit 2021, Policia e kryeqytetit njoftoi se kishte ndaluar administratorin e kompanisë farmaceutike, “Farma Net Albania”, Sokol Topçiu, në vijim të një hetimi që po zhvillohet nga Prokuroria e Tiranës për zbulimin e një rrjeti kontrabande ilaçesh.

Ndërsa Roland Ziu, është akuzuar nga Partia Demokratike si trafikant droge.

Në tetor të vitit 2019, në një deklaratë për mediat nga selia blu, drejtori i kabinetit në atë kohë, Dorian Teliti, tha se Roland Ziu, një nga aksionerët e dy kompanive që fituan tenderin për port turistik jahtesh pranë Kepit të Rodonit, si bashkim operatorësh, pa kundërshtarë në garë, është trafikant ndërkombëtar droge.

“Kepin e Rodonit ia ka dhënë për 35 vjet Roland Ziut, i njohur nga mediat si trafikant ndërkombëtar droge. Prej vitesh ky trafikant është lidhur ngushtë me pushtetin e Edi Ramës”, deklaroi Teliti.

Bëmat e skafistit Çuçi dhe lidhja e tij me

Çuçi e shpërblente me tendera Roland Ziun

Burri dytë i gruas së tretë të Edi Ramës, pranoi miqësinë me Roland Ziun, që lakohet si trafikant droge, por më herët rezulton se i ka dhënë edhe tendera.

Ministria e Bujqësisë, e drejtuar nga Bledi Çuçi, shpalli në faqen e Agjencisë së Prokurimit Publik, fitues të një tenderi në dukje fiktiv, me vlerë rreth 2.5 milionë euro, dy kompani, njëra prej të cilave ishte “Praslin Investment, pronarin e të cilës, Roland Ziu Partia Demokratike e ka akuzuar për trafikant droge.

Në 28 gusht 2020, Ministria e Bujqësisë dhe Zhvillimit Rural shpalli tenderin “Rikonstruksion i godinës së QTTB Fushë-Krujë dhe ndërtim godine”, me fond limit 275 milionë lekë të rinj.

Në tender, sipas të dhënave zyrtare, kanë marrë pjesë 4 operatorë. Tre prej tyre, e konkretisht: “Elda Vl”, “Midea Albania” dhe “Rafin Company”, janë skualifikuar, pasi nuk kanë paraqitur asnjë ofertë ekonomike, duke forcuar dyshimet se e gjithë procedura ka qenë fiktive dhe se fituesi ishte i paracaktuar.

Kompania tjetër fituese e tenderit të Çuçit është “Praslin Investment”, në pronësi të biznesmenit Roland Ziu, të cilin sot del dhe thotë që e ka mik./CNA.al