web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i zyrtarëve të policisë për korrupsion/ SPAK-u zbardh ngjarjen: 5 persona janë dërguar në spital

21 Prill 2025, 12:07, Aktualitet CNA

Arrestimi i zyrtarëve të policisë për korrupsion/ SPAK-u

SPAK-u ka dalë me një njoftim zyrtar për arrestimin e tre zyrtarëve të policisë, të përfshirë në korrupsion pasiv.

Në njoftimin e bërë, SPAK-u sqaron se si është zbuluar rasti i korrupsionit, ku në një aksident të ndodhur disa ditë më parë, zyrtarët u kanë kërkuar para familjarëve të njërit prej personave të përfshirë në aksident.

Më konkretisht, kanë kërkuar 2 mijë euro për të mos arrestuar personin që shkaktoi aksidentin, si pasojë e të cilit 5 persona përfunduan në spital.

Gjatë kontrolleve të kryera ndaj tre zyrtarëve, janë gjetur dhe sekuestruar 2.500.000 lekë dhe 26 mijë euro.

 

Njoftimi i SPAK-ut:

 

SPAK urdhëron ndalimin e shefit të Komisariatit të Policisë Rrugore dhe dy oficerëve, të përfshirë në korrupion pasiv

Prokuroria e Posaçme kundër Korrupsionit dhe Krimit të Organizuar ka kryer veprime hetimore në kuadër të procedimin penal nr. 91/1, të vitit 2023.

Në dinamikën e hetimeve, në datën 18 prill, me urdhër të prokurorit të posaçëm, janë ndaluar shtetasit: R.Z, shef i Komisariatit të Policisë Rrugore, S.N, shef i hetimit të aksidenteve rrugore në këtë komisariat dhe E.T, oficer i policisë gjyqësore, të dyshuar për kryerjen e veprës penale “Korrupsion pasiv i personave që ushtrojnë funksione publike”, e kryer në bashkëpunim (parashikuar nga neni 259/2 dhe 25 të Kodit Penal.)

Ngjarja

 

Në datën 16 prill 2025, në qytetin e Tiranës ka ndodhur një aksident rrugor, ku dy automjete janë përplasur me njëri tjetrin. Si pasojë e aksidentit, pesë personat që udhëtonin në njërin nga automjetet janë dërguar në spital për të marrë ndihmë mjekësore.

Ndërsa në automjetin tjetër ndodhej vetëm drejtuesja A.V, bashkëshortja e shtetasit E.V, i dyshuar për kryerjen e veprës penale të “Korrupsionit aktiv të personave që ushtrojnë funksione publike”, (parashikuar nga neni 244 i Kodit Penal.)

Pas të dhënave dhe informacionit të siguruar nga oficerët e Byrosë Kombëtare të Hetimit (BKH), ka rezultuar se punonjës të policisë rrugore i kanë kërkuar familjarëve të drejtueses së automjetit, shtetases A.V, pagesën prej 2 mijë eurosh, për mosarrestimin e saj.

Shuma e parave është kërkuar të dorëzohej brenda një kohe të shkurtër dhe është siguruar nga personi nën hetim E.V, me ndihmën e personave të tjerë.  Këtë shumë ai ia kanë dorëzuar njërit prej punonjësve të policisë rrugore – fakt i provuar gjatë hetimit.

Urdhri i ndalimit të shtetasve: E.T, S.N dhe R.Z është ekzekutuar nga BKH, në bashkëpunimin me Agjencinë e Mbikëqyrjes Policore. Gjatë kontrolleve të kryera për llogari të këtij procedimi penal janë sekuestruar në cilësinë e provës materiale shumat prej; 2.500.000 lekë dhe 26 mijë euro.

 

SPAK lëshoi të shtunën urdhër-arreste për shefin e qarkullimit Rrugor në Tiranë, Roven Zeka, për shefin e sektorit të aksidenteve, Sokol Novaku, si dhe për oficerin e Policisë Gjyqësore, Edison Tabaku./ CNA





Lajmet e fundit nga