web counter
LEXO PA REKLAMA!

SHKARKO APP

App Store
Google Play

E fundit!

x

Mijëra besimtarë kremtojnë Pashkët në Gjirokastër

20 Prill 2025, 11:55, Aktualitet CNA

Mijëra besimtarë kremtojnë Pashkët në Gjirokastër

Besimtaret orthodhoksë në Gjirokastër kanë kremtuar mbrëmjen e djeshme Ngjalljen e Krishtit.

Në Katedrale janë mbledhur me mijëra besimtarë duke uruar njëri-tjetrin: "Krishti u Ngjall”.

Kambana e kishës ka tingëlluar fort në momentin kur akrepat e orës shënuan ardhjen e ditës së re dhe simbolikisht Ringjalljen e Krishtit.

Mesha e organizuar nga klerikët orthodhoksë vendas në ambientet e jashtme të Katedrales, u përcoll nga besimtarët e shumtë të cilët nxitonin të ndeznin qirinj në shenjë mbarësie për ringjalljen e një epoke të re.

Urimet e qytetarëve

“Uroj gjithë besimtarët kudo që janë shëndet mbarësi dhe gjithçka kanë mundësi për ta bërë vetë më të mirën”

“Urimet me të mira Krishti u ngjall mbarësi për gjithë komunitetin kristian”

“Krishti u ngjall pashkët për ne ortodoksit është një nga ditët më të shënuara sot dhe urojmë gjithë shqiptarët mbarësi”

Ceremonitë fillestare orthodhokse në Kishën “Ngjallja e Krishtit”, kanë filluar të Premten e Madhe në përkujtim të kryqëzimit të Jezu Krishtit ku besimtarë të shumtë janë lutur për më shumë paqe, mirësi dhe begati, për më shumë dashuri mes njerëzve.

Pashka ortodokse kremtohet të dielën e parë pas fillimit të pranverës, apo të dielën e parë pas hënës së parë të plotë të muajit. Sipas interpretimit biblik me ringjalljen e Krishtit ndodh kalimi nga vdekja në jetë nga e Premtja e madhe kur vdes Jezu Krishti në të Dielën e Pashkëve kur ngjallet./ CNA





Lajmet e fundit nga