web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Malltezit dhe akuza ndaj Berishës/ Endri Xhafo: Çështja është politike

25 Tetor 2023, 18:16, Aktualitet CNA

Arrestimi i Malltezit dhe akuza ndaj Berishës/ Endri Xhafo:

Arrestimi i Jamarbër Malltezit dhe akuzat ndaj ish kryeministrit Sali Berisha nga SPAK kanë sjellë një sërë reagimesh nga njerëz të politikës po ashtu edhe nga gazetarë apo analistë.

Gazetari Endri Xhafo ka dhënë mendimin e tij në lidhje me situatën duke theksuar se çështja ëshët politike por evidenton se nuk ka lidhje me aksionin që ndërmori opozita  ditën e enjte në Kuvend.

 I ftuar në një emision, gazetari tha se Berisha do të bëjë gjyq politik dhe do të shkojë deri në fund me këtë lloj mbrojtje.

“Është çështje politike, por aksioni opozitar nuk ka ndikuar. Kjo është një çështje që Berisha akuzohet për 3 gjëra, që ka nxjerrë ligje, ka bërë presion dhe ka vendosur në kontrollin e Malltezit funksionet. Një ish-funksionar mund të akuzohet për moszbatim ligji, por jo për nxjerrje ligji. E vetmja që ka sadopak pikëpyetje janë akuzat ndaj Malltezit. Ka një pretendim nga Balla se etërit e trashëgimtarëve i kanë marrë paratë nga italianët fashiste.

E gjithë pikëpyetja është se ky proces ka nisur nga Sali Berisha apo nga Fatos Nano? Gjithsesi, ku qëndron vepra penale këtu? Nëse mua do më merrte dikush në telefon kur të dilja nga studio, nëse nuk do e dija kush më kërcënon, nuk do e thoja.

Gjatë muajit korrik kam lexuar një opinion të Ylli Manjanit, i cili thotë se interpretimi i që i bëhet nenin 73 të Kushtetutës, për të dhënë leje për të arrestuar dikë nuk e ka në dorë Parlamenti, por Gjykata. Berisha e ka të sinqertë kur thotë se s’ka frikë të përballet me Gjykatën, por ai do të bëjë një gjyq politik. Duket sikur është një betejë për të fituar opinionin politik sesa atë gjyqësor. Zoti Berisha do bëjë këtë lloj mbrojte derisa të shkojë në një proces gjyqësor.”, u shpreh Xhafo./ CNA





Lajmet e fundit nga