web counter
LEXO PA REKLAMA!

SHKARKO APP

App Store
Google Play

E fundit!

x

Fatos Lubonja: Më mirë ia jap votën qenit të rrugës sesa Ramës

12 Nëntor 2022, 21:30, Aktualitet CNA
Fatos Lubonja: Më mirë ia jap votën qenit të rrugës
Analisti Fatos Lubonja

Analisti Fatos Lubonja ka deklaruar se ky regjim nuk rrëzohet me protesta paqësore.

Sipas tij protestat paqësore shkojnë në një vend demokratik dhe në Shqipëri analisti thotë se nuk ka demokraci.

Më tej, Lubonja ka theksuar se me arsyetim më mirë ia jep votën qenit të fundit të rrugës sesa Ramës.

“Dhuna e fundit që është parë ka qenë ajo e 21 janarit. Pastaj politikanët tanë kërkojnë të jenë korrektë me europianët e bëjnë protesta ku fjala paqësore ka shumë rëndësi.

Protesta paqësore bëhen në demokraci, ne nuk jemi në demokraci.

Ky regjim nuk rrëzohet me protesta paqësore, veçse kur protestat vijnë nga poshtë-lart dhe njerëzit nuk mbahen më. Edhe 21 janari ishte protestë e stisur, u ndërtua me idenë që populli nuk duron dot më edhe do digjet Kryeministria. Ishte inskenim e imitonte protestat e vendeve arabe.

Këta nuk kanë as fuqi ta bëjnë më ashtu.

Si bretkosa që ia ngrohin ujin gradualisht e kur shkon uji 100 gradë ngordh.

'Kur mbaron fjala gjykon palla', thotë populli.

Një pjesë ama mendon pse Berisha i ’91 do dalë të protestojë. Kanë pasur rastin ta bëjnë Shqipërinë ashtu siç premtuan sot.

Kjo ndikon që nuk ka shumë ndjekje nga pjesa gri.

Me arsye jam që qenit më të fundit të rrugës ia jap votën dhe Ramës nuk ia jap.

Besimi pastaj është tjetër gjë. Një gjë është arsyetimi politik. Më mirë 3 banda se një bandë se kur ngel një e vetme e merr Durrësin sikur e ka shtëpinë e vet sikur ia ka lënë nëna e babai.

Ne nuk jemi popull demokratik. Kur ishte koha e Berishës, kur edhe Berisha vidhte vota në ’96, ishte anglez e më tha nëse do na e bënin ne anglezëve këtë do digjej Londra.

E ke parë se si digjen komisariatet në SHBA kur vritet një zezak? Del ambasada e thotë protesta të paqta te ne.

Ka forma proteste që quhen mosbindje civile, e gjejnë ata si e bëjnë, ku shtrëngohet laku”, tha Lubonja./ CNA.al





Lajmet e fundit nga