web counter
LEXO PA REKLAMA!

SHKARKO APP

App Store
Google Play

E fundit!

x

“Në shesh sot doli Shqipëria tjetër”/ Këlliçi: Një përshëndetje për parazitët e qeverisë

12 Nëntor 2022, 20:50, Aktualitet CNA
“Në shesh sot doli Shqipëria tjetër”/
Foto ilustruese nga protesta

Pas përfundimit të protestës së opozitës, ka pasur reagime nga ana e socialistëve, sipas të cilëve opozita po bëhet gjithnjë e më shumë e lexueshme dhe e dëshpëruar.

Deputeti Belind Këlliçi nuk ka vonuar t'u përgjigjet duke i quajtur parazitë të qeverisë.

Në reagimin e tij, Këlliçi thotë se në shesh sot ishin njerëzit e lirë të cilët kanë dalë në protestë nga halli.

“Në shesh sot doli Shqipëria tjetër, Shqipëria e vërtetë, e fshehur nga propaganda, e vjedhur nga qeveria, e tallur nga media”, shkruan ndër të tjera Këlliçi.

“Një përshëndetje i dërgojmë të fortëve pas tastierave, mendimtarëve të kafeneve dhe parazitëve të qeverisë!

Këta në shesh janë njerëz të lirë. Halli i nxjerr aty.

Dalin pensionistët kundër shpopullimit të vendit, që punuan një jetë për ta ndërtuar. Dalin prindërit që kanë fëmijët larg syve. Dalin të rinjtë që nuk duan të largohen. Dalin se nuk i shfaqin kamerat e mediave të tua.

Në shesh sot doli Shqipëria tjetër, Shqipëria e vërtetë, e fshehur nga propaganda, e vjedhur nga qeveria, e tallur nga media.

Faleminderit çdokujt që ishte aty, që la impenjimet mënjanë për të protestuar!

Faleminderit Tirana

Kryeqyteti në ballë të protestës”, thotë deputeti në reagimin e tij në rrjetet sociale./ CNA.al





Lajmet e fundit nga