Agron Shehaj, boss-nesmeni që u bë politikan!

22 Tetor 2022, 10:20, Aktualitet CNA

Agron Shehaj, boss-nesmeni që u bë politikan!

Deputeti, Agron Shehaj

Unë nuk jam penë e pushtetit. Nuk jam bisnesmen, as politikan. Nuk i përkas asnjë partie politike. Nuk jam simpatizant i askujt. Më intereson vendi im, familja ime, shoqëria dhe aspiroj të shoh një familje të përbashkët shqipetare të integruar në vendin që i takon.

Shoh përditë e dëgjoj llojfarë skandalesh, që përpos ngjyrimit politik, padallim mund ti zhveshësh kontekstet e fryra, dhe të kërkosh me durim thelbin.

Kam kuptuar që gjatë 30 viteve në Shqipëri, kanë hyrë politikanë, me qëllim të bëhen biznesmenë.

Kemi pare raste të shumta që nuk i numëroj dot, por realisht nuk e kuptoj sesi bisnesmenët mund të bëhen politikanë.

Nuk flas për ata që janë përjashtuar, pasi emrat në formulare si kanë patur të saktë, por për ata të vërtetët, histori suksesi nga Europa e Vjetër, që vijnë dhe kthehen në politikanë zhurmues në pyllin e dendur të errët që çorbën e trazojnë çdo ditë me përkushtim.

Çfarë e shtyn një bisnesmen të fuqishëm të vijë e investohet politikish në Shqipëri?!

Në fakt duket si pyetje retorike për ne që jetojmë këtu.

Një mision të njëjtë me atë të 1912-ës, ambicje për të qenë në qendër të publikut me misione altruiste, filantropi, apo …

Në shumë vende të botës, vota sulmohet në mënyra të ndryshme me qëllim devijimin. Call center, we-web.al, apo kompani si motra injektohen e bëhen gati, për dominanca virtuale të së ardhmes.

Unë do doja që biznesi dhe politika të kenë bashkëjetesë të ndershme, e mos të ndërhyjnë deri në ndikim absolut tek njëra-tjetra. Por njerëz të arrirë e kompletuar si psh Z. Agron Shehaj, apo të tjerë si ai, përveç retorikës së përsëritur ka 30 vjet, ti përkushtohen misionit, jo qëllimeve politiko - ekonomike për veten apo grupimeve që i kalojnë kufijtë e biznesit.

Dje u tha që Trump fitoi nga ndikimi Rusisë në zgjedhjet për president ne USA. Nuk ishte çudi që call center apo ëeb-ndikimet të ndihmojnë zgjedhjet në Shqipëri, Maqedoni, Kosovë apo Mali i Zi.

Sepse Amerika është larg, dhe nuk merr seriozisht Boss-nesmenët që vijnë nga Ballkani i nxehtë dhe i ndarë në gjenezë.

Titulli nuk ka lidhje me brendësinë e këtij shkrimi, pasi boss-nesmenët shqiptarë bëhen politikanë vetëm për një arsye; të shkojnë fitimet e tyre me mënyrat që politika e sotme ja ofron.

Dhe nuk do ndalen këtu./Oltjon Koja- CNA.al