web counter
LEXO PA REKLAMA!

SHKARKO APP

App Store
Google Play

E fundit!

x

“95 mijë euro në kasafortën e Veliajt”/ Hoxha: Prerje parash që përdoret nga mafia

11 Shkurt 2025, 20:57, Aktualitet CNA

“95 mijë euro në kasafortën e Veliajt”/ Hoxha: Prerje

Gazetari investigativ, Artan Hoxha ka zbuluar sot disa detaje të reja në lidhje me vendimin e GJKKO për caktimin e masës së sigurisë ndaj kryebashkiakut Erion Veliaj.

I ftuar në një emision televiziv, Hoxha tha se momenti i gjetjes së kasafortës në hetime është shumë i  rëndësishëm, pasi ajo përmbante 95 mijë euro, me prerje parash që përdoret nga mafia.

Sa i përket dosjes, Hoxha tha se përmban mbi 10 mijë faqe, është një dosje voluminoze, që nuk është parë as për organizata të mëdha.

“Dosja është voluminoze. Ky është vendimi i GJKKO për masën. Nëse ai duhet të ishte një teknikalitet. Është një vendim me 366 faqe. Nuk kemi parë të tilla as për organizata të mëdha. Është voluminoz. Dosja në vetvete është mijëra faqe janë mbi 10 mijë. Por këto lloj dosjesh mund ta bëjnë hetuesin që mund të humbë në detaje.

Ajo që të bie në sy është fakti që Gjykata mbështetur në kërkesën e prokurorit, ka marrë masa ekstreme. Arresti me burg për Veliajn, Abulen dhe masa ekstreme për Xoxen, i cili është baraz me arrestin në burg. Në material thuhet që Veliaj dhe bashkëshortja kanë penguar hetimin dhe kanë intimiduar. Të dyja palët po përballen me dëshmitarët”, tha Hoxha.

Njerëzit janë përqendruar tek 860 mijë eurot që janë përdorur për bizhu dhe veshje, edhe pse thuhet që kjo gjë është bërë për disa vjet. Pala tjetër thotë që këto janë veshje që janë marrë për projekte. Është momenti i kasafortës. Në një garazh është gjetur një kasafortë ku ka pasur 95 mijë euro dhe një sasi dollarësh. Tek eurot janë gjetur prerje të madhe që nuk e thyejnë as në vendet e BE, është para që përdoret nga mafia.

Fakti që është prerje e madhe është një detaj që krijon një narrativë. Në fakt çështja për të cilën Veliaj ka qenë nën akuzë ka qenë inceneratorit i Tiranës, një objekt që nuk ekziston. Kjo ishte çështja e madhe. Aty flitej për 130 milionë euro. Ndërkohë që ne po flasim për 1.5 ml euro, një hetim personal pasuror, që nuk atakon përfaqësues të lartë të mazhorancës”,- tha Hoxha./CNA





Lajmet e fundit nga