web counter
LEXO PA REKLAMA!

SHKARKO APP

App Store
Google Play

Gjyqi me Carlo Bollino-n/ Këlliçi: Janë vjedhur para publike për të financuar këtë llum mediatik

11 Shkurt 2025, 15:35, Aktualitet CNA

Gjyqi me Carlo Bollino-n/ Këlliçi: Janë vjedhur para publike

Belind Këlliçi, drejtuesi politik i Partisë Demokratike për Tiranën, ishte sot i pranishëm në seancën gjyqësore ku u përball me botuesin Carlo Bollino.

Këlliçi ka folur për mediat pas daljes nga Gjykata, nga ku e cilësoi Bollino-n si shpifësin më të madh që mund të ketë parë ky vend.

Këlliçi tha se ka një kërkesë për SPAK-un dhe kjo kërkesë është nxitja për t’i shkuar deri në fund hetimit dhe kallëzimit të depozituar nga dhjetë deputetë të Partisë Demokratike për vjedhjen e parave publike përmes tenderëve të dhënë nga AKSHI për të financuar këtë media.

“Karlo fals Bolino u përball sot me kokën ulur dhe i zverdhur në seancën e radhës në gjyq. Por për shkak të një gabimi procedural apo teknikaliteti, seanca u shty për t’i dhënë mundësinë zotit Malltezi për të ardhur personalisht në seancën gjyqësore në Gjykatën Penale dhe për t’u përballur me shpifësin më të madh që mund të ketë parë ky vend, që quhet Karlo Bolino. Më vjen vjen shumë keq për Karlon se nuk ka ku të shkojë pas kësaj senace të pagatorit të tij sepse e ka në burg, por të rrijë i qetë sepse fatin e tij do të ketë shumë shpejt edhe Karlo Bolino dhe nxisim Prokurorinë e Posaçme që t’i shkojë deri në fund hetimit dhe kallëzimit të depozituar nga dhjetë deputetë të Partisë Demokratike dhe nga Sekretari i Përgjithshëm, zoti Flamur Noka, për vjedhjen në mes të Tiranës në njësinë numër 7 të 4121 metrave katrorë truall publik për ta tjetërsuar në një ngrehinë mediatike dhe vjedhjen e parave publike përmes tenderëve të dhënë nga AKSHI për të financuar këtë llum mediatik që çdo ditë fyen qytetarët opozitarë, shpif, baltos...”, - tha Këlliçi./CNA





Lajmet e fundit nga