web counter
LEXO PA REKLAMA!

SHKARKO APP

App Store
Google Play

740 mijë automjete në Shqipëri/ Benz-i, i pari në listë

3 Janar 2023, 18:58, Aktualitet CNA
740 mijë automjete në Shqipëri/ Benz-i, i pari në listë
Foto ilustruese

Në Shqipëri ka 208 makina për 1000 banorë, një numër ky shumë i ulët në krahasim me Europën ku numërohen 530 makina për 1000 banorë. Të dhënat tregojnë se “Benz-i” dhe “Volkswagen-i” mbeten markat më të preferuara të shqiptarëve.

Në Shqipëri qarkullojnë 740 mijë automjete, nga të cilat 80 përqind janë makina të vogla private. Të dhënat e Drejtorisë së Transportit Rrugor, tregojnë se Mercedez Benz prej vitesh është marka e parapëlqyer, e ndjekur nga Volkswagen dhe “Daimler Chrysler” (10,9%). Edhe në markat e regjistruara në vitin 2022, këto marka kryesuan listën, por shumica e tyre, në masën 52% janë prodhime të vjetra të viteve 2005-2009.

Në trafikun që krijohet në zonat urbane dhe në rrugët kombëtare, Shqipëria duket sikur ka mbingarkesë të makinave. Por, në krahasim me rajonin dhe Bashkimin Europian, vendi ynë, përfshi Kosovën ka numrin më të ulët të makinave për 1000 banorë. Në vitin 2021, vendi kishte 208 automjete për 1 mijë banorë, nga 530 automjete që është mesatarja e Bashkimit Europian.

Sipas qarqeve, Durrësi ka numrin më të madh të makinave për banorë, ndjekur nga Lezha e Gjirokastra, ndërkohë që më pak mjete në pronësi kanë banorët në Dibër e Korçë. Në kryeqytet, shkalla e motorizimit arrin në 230 automjete për 1000 banorë./ Euronews Albania





Lajmet e fundit nga