Merr foto nga rrjetet sociale/ Mbretëria e Bashkuar gjobit “Clearview AI” për ruajtjen e imazheve të fytyrës

23 Maj 2022, 20:18, Tech CNA
Merr foto nga rrjetet sociale/ Mbretëria e Bashkuar gjobit “Clearview

Kompania e njohjes së fytyrës ?Clearview AI? është gjobitur me më shumë se 7.5 milionë funte nga mbikëqyrësi i privatësisë në Mbretërinë e Bashkuar.

Shkak i gjobitjes është bërë fakti se kompania mbledh imazhe nga interneti për të krijuar një bazë të dhënash globale për njohjen e fytyrës.

Zyra e Komisionerit të Informacionit (ICO) thotë se kompania ka shkelur ligjet e Mbretërisë së Bashkuar për mbrojtjen e të dhënave.

Ajo ka urdhëruar firmën të ndalojë marrjen dhe përdorimin e të dhënave personale të banorëve të Mbretërisë së Bashkuar.

Shefi ekzekutiv i ?Clearview AI Hoan?, Ton-That, tha: “Jam thellësisht i zhgënjyer që Komisioneri i Informacionit në Mbretërinë e Bashkuar ka keqinterpretuar teknologjinë dhe synimet e mia. Ne mbledhim vetëm të dhëna publike nga interneti i hapur dhe jemi në përputhje me të gjitha standardet e privatësisë dhe ligjit. Jam i dëshpëruar nga keqinterpretimi i teknologjisë së ‘Clearview AI’ për shoqërinë”.

Ndërkohë, ICO raporton se globalisht, kompania ka ruajtur më shumë se 20 miliardë imazhe të fytyrës. ?Clearview AI? merr fotografi të postuara publikisht nga “Facebook”-u, “Instagram”-i dhe burime të tjera, zakonisht pa dijeninë e platformës ose pa ndonjë leje.

“Kompania jo vetëm që mundëson identifikimin e atyre njerëzve, por monitoron në mënyrë efektive sjelljen e tyre dhe e ofron atë si një shërbim komercial. Kjo është e papranueshme. Njerëzit presin që të dhënat e tyre personale të respektohen, pavarësisht se në çfarë vendi të botës përdoren“, deklaroi John Edwards, komisioneri i informacionit në Mbretërinë e Bashkuar.

Kujtojmë se Mbretëria e Bashkuar është bërë vendi i katërt që ndërmerr masa detyruese kundër firmës, pas Francës, Italisë dhe Australisë./ CNA.al

Lajmet e fundit nga