E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Nga ankimimi tek platforma/ Këlliçi: Qëllimi, përçarja e PD

18 Prill 2022, 15:00, Politikë CNA

Deputeti demokrat Belind Këlliçi ka komentuar ankimimin që Enkelejd Alibeaj bëri në Gjykatën e Lartë për anulimin e Kuvendit të 11 Dhjetorit.

Gjatë një interviste Këlliçi është shprehur se kjo është një çështje që nuk e ekziston sepse anikimimi nuk mund të bëhet sese nuk ka qenë palë në proces dhe nuk ka marrë pjesë në proces.

?Kjo është një çështje që nuk ekziston. Minutat për të folur për këtë temë janë të çuara dëm. Ankimimi nuk mund të bëhet, dhe më vjen keq se Alibeaj i di më mirë këto. Përsa kohë që nuk ka qenë palë në proces dhe nuk ka marrë pjesë në proces, nuk mund të ankimohet ai vendim i Gjykatës së Tiranës. Më vjen keq që Alibeaj kapet pas këtyre artificave juridike dhe teknikaliteteve, duke mohuar në realitet që është prodhuar më atë 11 dhjetor, në referendumin e datës 18 dhjetor?, tha Këlliçi.

Këlliçi theksoi se qëllimi i ankimimit të vendimit të Gjykatës është përçarja e PD .

?Shpreh keqardhjen time, për këto reagimi burokrate, prej juristësh që tregon që nuk kanë formim politik, dhe nuk pranojnë realitetin. Qëllimi i akimimit është për të mbajtur të përçarë PD, dhe për ta mbajtur konfliktin ndezur në PD, sa më gjatë të jetë e mundur. Përsa kohë konflikti qëndron i ndezur dhe stimulohet, përfituesi i vetëm është Edi Rama. Ky është problemi që qytetarët shqiptarë i kanë dhënë tre herë zgjidhje, në 11 dhjetor, 18 dhjetor dhe në 6 mars të këtij viti. Më vjen keq për këtë që ndodh, për këtë manipulim që i bëhet opinionit publik. I vetmi problem është se disa demokratë të jenë në shërbim të Edi Ramës. Paraqiten emra listash deputetësh sikur kanë firmosur një platformë që nuk ekziston?, vijoi më tej Këlliçi.

Ndërsa përsa i përket platformës së prezantuar nga Alibeaj, deputeti tha se nuk e merr në konsideratë pasi ka synim përçarjen dhe jo bashkimin e demokratëve.

?Platformën e Alibeajt nuk e marrë në konsideratë. Është platformë që synimin e vetëm ka përçarjen e PD-së, por demokratët i kanë paraprirë kësaj tentative duke sanksionuar krijimin e fraksioneve politike?, tha Këlliçi./ CNA.al