web counter
LEXO PA REKLAMA!

SHKARKO APP

App Store
Google Play

E fundit!

x

Një ditë pas daljes nga Presidenca/ Meta merr në dorë LSI-në?

18 Prill 2022, 12:14, Politikë CNA

Një  ditë pas mbarimit të mandatit Ilir Metës si President,  do të nisë strukturimi dhe freskimi i LSI-së.

Konfirmimi ka ardhur sot nga nënkryetari i LSI-së, Endrit Braimllari.

Ky i fundit i është referuar statutit të LSI-së, kur ka folur për riroganizim, por që gjithçka vjen në kohë pas Meta të ?zhvishet? nga kostumi i Presidentit

?Në respekt të statutit të LSI-së pika 11.28, gërma B do të mbahet Konventa Kombëtare e LSI në datë 25 korrik 2022 e thirrur nga kryetarja e saj. Konventa do të jetë një moment historik për LSI dhe opozitën shqiptare në tërësi, për të ardhmen e përballjes pa asnjë kompromis me regjimin e rilindjes për të hapur një epokë të re të një Shqipërie të çliruar nga krimi, korrupsioni dhe kapja e shtetit.

Konventa Kombëtare do të marrë vendime shumë të rëndësishme politiko-organizative që lidhen me aksionin politik të zgjedhjeve vendore të vitit 2023. Gjithashtu do të thellohet procesi i brendshëm zgjedhor lidhur me ngritjen e strukturave drejtuese të LSI, proces ky i penguar prej kushteve të pandemise gjatë vitit 2020.

Në kuadër të organizimit të Konventës Kombëtarë të LSI që do të mbahet më 25 korrik është ngritur ekipi qëndror i punës për përgatitjen e programit politik dhe ndryshimet statutore në statutin e LSI.

Në kuadër të këtij organizimi, ngarkohen të gjithë drejtuesit politikë në qarqe, delegatët e Konventës Kombëtare të marrin masa për organizimin e struktrurave të LSI. Strukturat e LSI do të identifikojnë me shumë prioritet problemet e pafundme që qytetarët kanë në raport me qeverisjen qendrore dhe lokale për t?i bërë ato pjesë të aksionit politik dhe sidomos të programit elektoral për zgjedhjet e vitit 2023. 

Në këtë proces intensiv riorganizimi do të jenë edhe grupet e punës për riorganizimin e strukturave të Lëvizjes së Gruas për Integrim dhe Lëvizjes Rinore për Integrim të cilat do të kenë një rol më të rëndësishëm në organizimin, funksionimin dhe vendimmarrjen e LSI?, ka thënë Braimllari sot në një konferëncë për shtyp.

Kryetarja e LSI-së Monika Kryemadhi para pak ditësh, deklaroi se kostumi i LSI-së Metën i rri  ngushtë, por rrethanat tregojnë të kudnërtën.

Vetë Meta ka paralajmëruar që do të jetë në krye të Opozitës./CNA.al





Lajmet e fundit nga