web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Kikia: Përgjegjësi penale për këtë katrahurë, është vjedhur në mënyrë arrogante

1 Prill 2022, 14:16, Aktualitet CNA

Gazetari Mentor Kikia ka folur për aferën korruptive të inceneratorëve, për të cilat janë paguar miliona lekë nga taksat e shqiptarëve.

Në një intervistë për media, ai tha se nga ana e institucioneve përgjegjëse duhet të kryhen më shumë hetime dhe të kontrollohet zbatimi i projekteve para lëvrimit të parave.

Ai shtoi se kjo aferë është një katrahurë, ndërsa thekson se duhet të mbajë përgjegjësi çdo kush që është i përfshirë, pasi sipas tij është vjedhur në mënyrë arrogante.

?Ministria e Financave, duhet të kërkonte më shumë informacion para lëvrimit të parave, ministria e Ekonomisë duhet të kontrollonte zbatimin e projekteve që nëse do ishte bërë do ishin zbuluar allishverishet mes partnerëve dhe projekteve. Nuk mundet që të jetë zoti Bllako përgjegjësi i fundit në listën e njerëzve që duhet të mbajnë përgjegjësi penale për këtë katrahurë, pasi ka një mënyrë arrogante edhe të vjedhjes. Njerëzit që kanë marrë pjesë në këtë skemë, nuk janë kujdesur fare edhe të mbrohen. Partitë në Shqipëri, gjatë rekrutimit të kandidatëve për kryebashkiakë dhe deputetë kur gjendeshin përballë të papriturave ligjore, liderat e tyre apo zoti Rama thoshte ?nuk mbaj përgjegjësi për këtë?, nëse rezultojnë të inkriminuar, largohen. Është një sëmundje nga e cila ka vuajtur në mënyrë sistematike politika shqiptare?, tha ai.

Më tej Kikia duke iu referuar rastit të Alqi Bllakos, tha se në kohën kur ai u kandidua për deputet nuk ishte person nën hetim, ndërsa shtoi se tërhoqi vëmendjen akrobacia politike, ku nga një parti kaloi tek tjetra.

?Në rastin e zotit Bllako kur ka kandiduar për deputet, nuk ishte as i akuzuar dhe as person nën hetim. Tërhoqi vëmendjen akrobacia politike, ku nga një parti kaloi tek tjetra, por ky cirk politik është i vjetër. Partitë në Shqipëri janë gati të bashkëpunojnë me gjithkënd për të siguruar që të kenë pas vete njerëz që duhet të kenë vetëm një mision, të sigurojnë vota?, tha Kikia./E.K-CNA.al





Lajmet e fundit nga