web counter
LEXO PA REKLAMA!

SHKARKO APP

App Store
Google Play

E fundit!

x

Grisen dosjet e pronave në kadastrën e Durrësit/ Prokuroria vihet në lëvizje

1 Prill 2022, 12:58, Aktualitet CNA

Kadastra e Durrësit vijon të jetë një nga institucionet problematike. 911 dosje pronash rezultojnë të dëmtuara dhe me fletë të grisura në kadastrën e Durrësit në zonën bregdetare të Durrësit si Plazh, Spitallë, Lalëz, Draç, Rodon. Vetëm 152 dosje janë konstatuar të rregullta.

Lidhur me këtë, ka ardhur edhe reagimi i prokurorisë së Durrësit, e cila në një njoftim për media bën me dije se është krijuar një grup hetimor i përbërë nga prokurore dhe oficerë të policisë gjyqësore për hetimin e plotë të çështjes.

?Nisur faktet e bëra publike në media për kontrollin e ushtruar në Kadastrën e Durrësit dhe konstatimin e dëmtimeve në regjistrat e pasurive të paluajtshme të regjistruara në zonën bregdetare të Durrësit si Plazh, Spitallë, Lalëz, Draç, Rodon, etj Prokuroria pranë Gjykatës së Shkallës së parë Durrës ka regjistruar procedimin penal nr. 582, datë 01.04.2022 për veprat penale të parashikuara nga nenet 186 e 248 te Kodit Penal. Me urdhër të drejtueses së prokurorisë është krijuar një grup hetimor i përbërë nga prokurore dhe oficerë të policisë gjyqësore për hetimin e plotë të çështjes?, njofton prokuroria./E.K-CNA.al





Lajmet e fundit nga