Arrestimi i Elsa Lilës/ Gjergj Leka: Të turpshme reagimet ndaj saj

19 Mars 2022, 14:00, Aktualitet CNA

Kantautori Gjergj Leka ka komentuar reagimet që janë bërë për këngëtaren Elsa Lila, pas arrestimit të saj nga autoritetet italiane.

Kantautori në emisionin Arnautistan është shprehur se është e turpshme mënyra se si kanë reaguar ndaj saj, duke theksuar se më shumë i ka bërë përshtypje mllefi.

Ndër të tjera Leka thekson nëse ka bërë një gabim do të vuajë pasojat, por nuk duhet të hedhësh baltë mbi një person, duke mos ditur rrethanat.

?Është e turpshme. Pa ia dhënë sentencat Italia, ia dhamë neve. Më bëri përshtypje mllefi. Një njeri që bën gabim do paguajë konseguencat. Të hedhësh baltë te një njeri?Nuk e kam pasur mike. Kam pritur reagimin e kolegëve të mi që kanë punuar me Elsa Lilën, institucione që e kanë shfrytëzuar emrin e Elsa Lilës, ku janë këto njerëz. Ndonjë prej atyre edhe ka reaguar keq, ?nuk e prisja nga Elsa?! Dikush nxjerr lekët, armët në klipe, ato nuk i arreston kush, ato duhen dënuar me ligj. Më flasin ca që i kanë provuar të gjitha, kokainë, heroinë, hashash?Unë s?e besoj kurrë me aq sa e kam njohur Elsa Lilën, këtë ?llogaritaren e rrezikshme?, apo që ka kohë se merret me këtë gjë.

Një njeri që merret për një kohë të gjatë do vinte në evente në Shqipëri?! Në grevën e urisë, te Voice, kishte nevojë për lekë prandaj erdhi?! Ato që e shajnë nuk e dinë çfarë ka hequr. Fëmijën ia kanë marrë qendrat sociale. Por edhe nëse dënohet, kaq të gëzuar do jemi ne pse dënohet një artiste me kaq vlera. Unë e kam bindje që ai që ka talent, gabon më shumë se i patalentuari, e ka treguar koha. Kjo vërsulja pse? Ta vlerësojmë për artisten që është dhe të presim çfarë do ndodhë?.

Mund të jetë mpleksur me ndonjë djalë çapkën dhe për dashuri gabohet. Nëse ka gabuar do vuajë konseguencat. Por ne na takon të jemi gjykatës të një personi publik që na ka dhuruar muzikë të bukur. Kaq pa zemër paskemi qenë ne! Kaq kritikë, të merremi me të tjerët. Elsa në Romë me sa di unë s?ia kalonte edhe aq mirë. Mendoj që kanë ndikuar problemet familjare që ka pasur Elsa. Artisti nëse s?ka në rregull zemrën, nuk mund të… Ajo që shikoj me dhimbje është çfarë do ndodhi me Elsa Lilën pas kësaj ngjarje. Sepse eksperienca ka treguar që kur ndodhin gjëra të tilla karriera shuhet përgjithmonë dhe kjo s?më vjen mire?, ka thënë Gjergj Leka./ CNA.al