LEXO PA REKLAMA!

SHKARKO APP

Investigimi në Afrikë zbulon takimin e Edi Ramës me bosin e inceneratorëve

18 Mars 2022, 21:41, Aktualitet CNA
Investigimi në Afrikë zbulon takimin e Edi Ramës me bosin e

CNA ka publikuar një shkrim (lexo këtu) lidhur me inceneratorin e Tiranës, por detaji në foton e shkrimit lidhet me një emër që dikur u ekspozua në axhendën e takimeve të Ramës, të cilin do e shtjellojmë më poshtë.

Lidhur me inceneratorin e Tiranës, CNA shkuan se bëhet fjalë për një rrjet kompanish në Holandë të cilat kanë të njëjtën adresë dhe që kanë ngritur një skemë për koncesionin e inceneratorit të Tiranës që po zbatohet edhe në Zimbabve, Afrikë.

Në shkrim është publikuar një foto gjatë nënshkrimit të marrëveshjes në kryeqytetin e Zimbabvesë, Harare, mes tre personave. Fotoja zbulon një hollësi tejet interesante.

Njëri nga tre personat që nënshkruajnë arrëveshjen përveç përfaqësuesit të kompanisë Integrated Energy BV, Giuseppe Ciafaglione e përfaqëuesit të shtetit afrikan, është Miliad Lopa.

Hashtag.al ka zbuluar se Miliad Lopa është një emër që dikur është ekspozuar në axhendën e takimeve të Edi Ramës, axhendë e publikuar prej tij në rrjetet sociale.

Siç ka zbuluar Hashtag.al bëhet fjalë për një tryezë të mbajtur më 30 janar 2017. Nëse shihet axhenda e publikuar e takimit, bosi i inceneratorëve Lopa është pjesë e një grupi personash që kanë takuar kryeministrin Rama më 30 janar 2017.

Në këtë takim kanë marrë pjesë përveç shqiptarit Lopa, shok i dyshes Mërtiri-Zoto edhe zvkryeministri Erjon Braçe, deputeti i PS-së Ervin Bushati si dhe disa biznesmenë italianë, të cilët janë çuar te Rama nga Braçe.

Emri i biznesmenit të inceneratoreve Milad Lopa që sot po bën bujë me kontratën e incenerimit në Zimbabve ku për partnerë dhe ortakë ka të njëjtët biznesmenë shqiptarë (Mërtiri-Zoto) që dyshohen si zgjatime të qeveritarëve të lartë shqiptarë. /Hashtag.al

Lajmet e fundit nga