LEXO PA REKLAMA!

SHKARKO APP

Qindra pula të ngordhura në pularitë e Durrësit/ Ministria e Bujqësisë del me njoftimin zyrtar

16 Mars 2022, 15:50, Aktualitet CNA
Qindra pula të ngordhura në pularitë e Durrësit/ Ministria e

Prej disa ditësh ka pasur një numër të lartë të pulave të ngordhura, më shumë se 400 mijë, në pularitë e Durrësit dhe u raportua se shkak ishte bërë gripi i shpendëve.

Lidhur me këtë rast ka reaguar Ministria e Bujqësisë, e cila ka njoftuar se nuk ka asnjë rast të pranisë së gripit të shpendëve në Shqipëri.

Ata sqarojnë në njoftimin e tyre se pas analizave të kryera në tre data të ndryshme në mbi 60 kompani, rezulton se nuk ka sëmundje virusale të gripit të shpendëve.

?Ministria e Bujqësisë nëpërmjet Agjencisë Kombëtare të Veterinarisë dhe Mbrojtjes së Bimëve dhe Institutit për Sigurinë Ushqimore dhe Veterinarinë informon opinionin publik se nuk ka asnjë rast të pranisë së influencës aviare (gripi i shpendëve) në Shqipëri deri më tani.

Pas analizave të kryera në tre data të ndryshme dhe me mbi 60 kampione, rezultatet e marra nga mostrat e dërguara nga Agjencia Kombëtare e Veterinarisë dhe Mbrojtjes së Bimëve drejt laboratorit të certifikuar në Institutin për Sigurinë Ushqimore dhe Veterinarinë përjashtojnë kategorikisht sëmundjen virusale të gripit të shpendëve.

Rezultatet e analizimit në laboratorin e referencës konfirmojnë se nuk ka sëmundje që rrezikojnë konsumatorin apo produktet ushqimore me origjinë nga shpendët?, thuhet në njoftim.

Ministria e Bujqësisë bën të ditur se rastet e dyshuara janë të lokalizuara në 2-3 stabilmente në një zonë të vetme, ndërsa shtojnë se Agjencia Kombëtare e Veterinarisë po bën monitorim të vazhdueshëm për të verifikuar arsyet e kësaj situate epizootike.

?Ju bëjmë me dije se rastet e dyshuara janë të lokalizuara në vetëm 2-3 stabilmente në një zonë të vetme.

Agjencia Kombëtare e Veterinarisë dhe Mbrojtjen e Bimëve dhe Instituti për Sigurinë Ushqimore dhe Veterinarinë janë në monitorim të vazhdueshëm dhe po bën kontrolle për të verifikuar arsyet e kësaj situatë epizootike?, thuhet në njoftim./E.K-CNA.al

Gripi i shpendëve/ Qindra pula të ngordhura në pularitë e Durrësit

Lajmet e fundit nga