E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Shtatë metodat e çuditshme të kontrollit të lindjeve, që janë përdorur në të kaluarën

13 Shkurt 2022, 08:44, Blog CNA

Përgjatë historisë, njerëzit kanë përdorur metoda të çuditshme të kontrollit të lindjeve, për të parandaluar shtatzanitë e padëshiruara. Në kohët e lashta, burrat dhe gratë mbështeteshin në teknika që duken sot të çuditshme si gëlltitja e çajit të përgatitur me testikuj e kastorit,

deri tek përdorimi i jashtëqitjes së krokodilit.

Siç mund të merret me mend, edhe pse disa prej tyre mund të kenë funksionuar, shumë nga këto praktika ishin të pasigurta dhe shkaktuan lëndime të rënda. Në raste më të rënda, ato çuan në vdekje të parakohshme. Ja cilat janë disa nga metodat më të çuditshme të kontrollit të lindjeve:

1. Coca-Cola

Në vitet 1950, ishte shumë e përhapur ideja se Coka-Cola përmbante acid karbonik, një element kimik që mund të vriste spermatozoidet. Edhe sheqeri në këtë pije shumë popullore, thuhej se i shpërbënte qelizat e spermës.

Shumë njerëz e përdorën këtë pije si një metodë për parandalimin e shtatzanive, pasi ishte shumë popullore, relativisht e lirë dhe lehtësisht e disponueshm. Por në shumë raste përdorimi i tij rezultoi i paefektshëm, madje shkaktoi jo rrallë infeksione tek gratë.

2. Uji i farkëtarit

Uji i farkëtarit është uji i përdorur nga farkëtarët për të ftohur veglat e tyre. Grekët e lashtë, besonin se gëlltitja e kësaj përzierje të çuditshme ndihmonte në parandalimin e shtatzanive.

Sa gabim që e kishin! Kjo përzierje toksike përmbante zakonisht plumb, dhe ata që e gëlltitnin rrezikonin jetën e tyre, pasi shkaktonte efekte të rënda anësore si bllokimi i i veshkave, konvulsione, koma dhe në fund vdekje.

3. Çaj i zier me testikujt e kastorit

Kjo formë e kontrollit të lindjeve, ishte e zakonshme në mesin e grave të lashta kanadeze gjatë shekullit XVI-të. Këto gra zienin çajra të ndryshme, të cilat i përzienin me testikujt e kastorit.

Më vonë, filluan të prodhonin një pije tjetër të quajtur ?beavertinis? , e cila ishte një kombinim i testikujve të tharë të kastorit dhe alkoolit të grurit.

4. Limoni

Njerëzit besonin dikur se acidi citrik, përmbante veti spermicide, që mund të parandalonin shtatzaninë. Që të ndodhte kjo, mjafton që të shtrydhej një limon, dhe të vendosej mbi mitër si një kapak.

Por përdorimi i limonit si një kontraceptiv shkaktonte acarim, dhe e bënte përdoruesen të prirur të prekej nga infeksione të ndryshme.

5. Zorrët e kafshëve

Në vitet 1400, njerëzit në Japoni dhe Kinë, i përdornin zorrët e qengjit si një metodë të parandalimit të shtatzënive. Burrat i njomnin zorrët e qengjit në qumësht, dhe e përdornin si një prezervativ, që gjatë aktit seksual mbulonte vetëm kokën e penisit.

Edhe në Evropën e Mesjetës, zorrët e kafshëve, si ato të dhive dhe deleve, përdoreshin gjerësisht për të krijuar një kondom primitiv për parandalimin e shtatzënive të padëshiruara. Prezervativët më të vjetër datojnë që në vitin 1642, dhe ishin prodhuar nga zorrët e kafshëve.

6. Mërkuri

Në Kinën e lashtë, disa gra pinin merkur për të qenë jo-pjellore. Por ato nuk e dinin se ky element është gjithmonë shumë helmues. Nivelet e larta të ekspozimit ndaj tij, mund të shkaktojnë dëmtim të trurit, dalje jashtë funksionit të organeve dhe vdekje.

Prandaj çdo formë e ekspozimit të zgjatur ndaj merkurit, i shkaktonte më vonë probleme serioze shëndetësore grave që e konsumonin atë.

7. Jashtëqitje krokodili

Rreth vitit 1500 Para Erës Sonë, gratë në Egjiptin e lashtë, nisën ta përdornin këtë metodë, pasi besonin se futja e jashtëqitjes së staxhionuar të krokodilit (në formën e plehut) dhe të mjaltit në organet e tyre gjenitale do të pengonte shtatzëninë.

Ato mendonin se alkalina që gjendej me shumicë atje, do ta pengonte spermën të fekondonte vezën e femrës. Po ashtu besohej se krokodilët ishin të lidhur me SET-in, perëndinë e dhunës që mund t?i shkatërronte spermatozoidet. Në fakt, ajo metodë ishte jo vetëm e pasigurt, por studiuesit dyshojnë nëse ajo ishte sadopak efektive./ Historyofyesterday-Përshtatur nga CNA.al