LEXO PA REKLAMA!

SHKARKO APP

Facebook dhe Instagram nuk do të jenë më të disponueshëm në Evropë?

7 Shkurt 2022, 17:09, Tech CNA
Facebook dhe Instagram nuk do të jenë më të

Facebook dhe Instagram mund të mbyllen në Evropë.

Gjiganti i teknologjisë paralajmëroi se kontrolli rregullator i bllokut mbi ?transferimet transatlantike të të dhënave? ndikon në aftësinë e tij për të ofruar reklama të synuara.

Nga ana tjetër, kjo shihet si shantazh ekstrem nga Mark Zuckerberg në lojën e të dhënave midis Evropës dhe Shteteve të Bashkuara, shkruan La Republica.

Kërcënimi fshihet në raportin vjetor të Metës drejtuar KSHZ-së, bordit mbikëqyrës të bursës amerikane.

Një fjali e shkurtër që alarmoi shtypin e specializuar: Meta mund të ?detyrohet? të mbyllë Facebook dhe Instagram në Evropë nëse shkëmbimi, mbledhja dhe ruajtja transkontinentale e të dhënave vihej në rrezik.

Kompania tha se ka besim se një marrëveshje do të arrihet në vitin 2022, por nëse kjo nuk ndodh, “ne ndoshta nuk do të jemi më në gjendje të ofrojmë disa nga produktet dhe shërbimet tona më të rëndësishme, duke përfshirë Facebook dhe Instagram, në Evropë”.

Në një kërkesë për sqarim, nënkryetari i Metës për çështjet globale, Nick Clegg, shpresoi që ligjvënësi evropian do të miratonte një “qasje pragmatike dhe proporcionale” për të parandaluar “mijëra kompani, përfshirë Facebook, të pësojnë dëme serioze”.

Lëvizja e Metës është një lëvizje parandaluese (dhe një kërcënim serioz, për dhjetëra mijëra kompani evropiane që kanë themeluar biznesin e tyre mbi reklamat në Facebook dhe Instagram dhe në shërbimet e tyre të mesazheve) përballë rishikimit të marrëveshjeve dypalëshe për shkëmbimin e të dhënave midis SHBA dhe Evropës.

Një marrëveshje pritet të shpallet përpara Këshillit të ardhshëm të Tregtisë dhe Teknologjisë në maj./E.T-CNA.al

Lajmet e fundit nga