E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Burgosja e gazetares/ Ish-deputeti jep alarmin: Kujdes nga vëllazëria Rama-Erdogan

24 Janar 2022, 09:00, Politikë CNA

Një gazetare e njohur turke është burgosur në pritje të një procedimi gjyqësor për fyerje të Presidentit Recep Tayyip Erdogan, bëri të ditur avokati i saj.

Sedef Kabas u arrestua pasi citoi një fjalë të urtë në një kanal televiziv dhe median sociale, duke i referuar një kau.

Ndërkohë në lidhje me arrestimin e gazetares në Turqi, ka reaguar ish-deputeti I PD, Genc Pollo, I cili heq një paralele me Shqipërinë.

Në një postim në rrjetet sociale, Pollo shkruan se me Ramën që gradualisht po adopton shembuj të tillë problemin e kemi këmbëkryq në Shqipëri.

?Vetëm se tha këtë proverb në TV gazetarja e njohur turke përfundoi në burg.

?Ka një fjalë të urtë shumë të famshme që thotë se një kurore në kokë e bën njeriun më të zgjuar, por ne e shohim se kjo nuk është e vërtetë. Një dem nuk bëhet mbret vetëm duke hyrë në pallat, por pallati shndërrohet në një stallë lopësh.?

Një shtet që vepron kështu është problem për popullin e tij, për të drejtat e banorëve të tij.

Por me Ramën që gradualisht po adopton shembuj të tillë problemin e kemi këmbëkryq në Shqipëri.

Për kujtesë: Edi Rama tentoi në v. 2015 e në v.2020 të ndryshonte Kodin Penal për fyerjen/shpifjen si Turqia. Por u zmbraps nga reagimi i brendshëm dhe ndërkombëtar.

Për të gjithë ata që thonë se “vëllazëria” nuk është problem!

Kujdes Nga Vëllazëria E Rreme?-shkruan Pollo.

Kujtojmë këtu se bazuar në ligjin mbi fyerjet, me dhjetëra mijëra vetë janë ndjekur penalisht për vendosjen në shënjestër të zotit Erdogan, që kur ai u bë president në vitin 2014, pas më shumë se një dekade si kryeministër.

Fyerjet ndaj presidentit janë shkelje që mund të çojnë në një dënim maksimal prej katër vitesh burg.

Sipas shifrave të Ministrisë së Drejtësisë që nga viti 2014, janë ngritur më shumë se 35,500 padi për fyerje të zotit Erdogan, duke rezultuar në rreth 13,000 dënime./CNA.al