E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

“Bashkitë për faqe të zezë”/ Qytetarët-kryeministrit: Me kë tallesh o piktor, kush e ha këtë broçkull

24 Janar 2022, 10:25, Politikë CNA

Kryeministri Edi Rama ka zhvilluar sot një mbledhje me grupin parlamentar të PS, kur ka folur për disa çështje.

Këshillimi Kombëtar, zgjedhjet e pjessshme vendore si dhe zgjedhja e Presidentit të ri, kanë qenë temat, të cila kryeministri i ka diskutuar me radhë.

Takimi është transmetuar nga rrjeti i tij social, ku qytetarët kanë shprehur pakënaqësitë që kanë me pushtetit.

Reagimet kanë qenë të shumta, por një pjesë janë fshirë, nga rrjeti social i kryeministrit në kohë rekord, sapo shkruheshin.

Qytetarët ankohen se u është bërë e pamundur jeta në vendin e tyre dhe i quajnë propaganda deklaratat e kryeministrit.

Ndërkohë, Rama u bëri thirrje deputetëve që të përgatiten për zgjedhjet e pjesshme seriozisht, por sipas qytetarëve, edhe aktualisht Bashkitë janë copë copë.

Në Dibër raportohet se prej dy javësh rrugatë janë të bllokuara nga bora dhe Bashkia nuk ka ndërmarrë asnjë masë.

Një tjetër shqetësim që raportohet nga qytetarët, është bllokimi i bonusit të qirave, për familjet e prekura nga tërmeti.

Ata shprehen ndër të tjera, se pasi morën votat asnjë deputet nuk është dukur më në zonat e tyre.

?Që të bësh një shtëpi nuk kemi asnjë lloj të drejte..të jetosh në vendin tonë, të marrin shpirtin të shkosh nëpër bashki?

A ka mundësi me hap rrugët që janë blloku nga bora që dy javë dhe askush nuk interesohet aspak. A ka ndonjë që e kontrollon këtë Bashkinë e Dibrës që po masakron fondet dhe buxhetet e Qeverisë..

Bashki për raqe dhe faqe të zezë ke plot edhe tani?

çfarë do të bëhet për bonusin e qirasë se po na nxjerrin përjashta?

Sapo morën votat nuk shihet më njeri, Shqipëria që duam?

Me kë tallesh o piktor, bravo kush e ha këtë broçkull?.

Këto janë disa nga reagimet dhe shqetësimet e qytetarëve në rrjetin social të kryeministrit.

Ndërkohë që ky i fundit, merret me opozitë, me shenjëstrimin e Partisë Demokratike, me situatën e brendshme në PD dhe kthimin e kusurit ndaj Presidentit Ilir Meta.

Me batutë pas battue Rama, hapi jozyrtarisht fushatën për zgjedhjet e pjesshme në 6 Bashkitë si dhe fushatën për zgjedhjet për President, tek e cila tha se do të përfshijë edhe opinionin publik./CNA.al