E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Ekskluzive/ CNA.al mëson tre strategjitë e Bashës për zgjedhjet e pjesshme lokale

17 Janar 2022, 13:03, Politikë CNA

Zgjedhjet e pjesshme lokale pritet të zhvillohen në muajin mars.

Kjo sipas informacioneve zyrtare që CNA.al mori nga Komisioni Qendror i Zgjedhjeve, por dhe nga vetë burime zyrtare të Presidencës, të cilat konfirmuan se shumë shpejt Ilir Meta, Presidenti i Republikës, pritet të shpallë zgjedhjet e pjesshme për gjashtë bashki, të cilat nuk kanë kryetar.

Drejtuesit e këtyre institucioneve humbën mandatin, për shkak të Dekriminalizimit. Dhe një tjetër, që është bashkia e Lushnjes, Fatos Tushe, i cili është arrestuar për korrupsion.

CNA.al ka mësuar se Lulzim Basha është gjendur i befasuar dhe totalisht i papërgatitur. Kkjo edhe për shkak të situatës politike dhe krizës së thellë që po kalon PD, dhe tashmë ka filluar të konfigurojë tre strategjitë e tij.

Strategjia e parë, është bojkoti i zgjedhjeve lokale duke thënë se PD nuk është e gatshme të hyjë në këto zgjedhje për shkak të situatës që ka, por edhe për faktin se në 2019 ato u manipuluan, u vodhën, dhe nuk mund të njohë një palë zgjedhje të pjesshme lokale. Por, ato duhet të përsëriten të gjitha.

Së dyti në rast të një presioni ndërkombëtar, që ta detyrojë Bashën të hyjë në zgjedhje, janë dhe dy versione të tjera që Luli ka tashmë në dorë.

Së pari, të justifikohet me përçarjen e Partisë Demokratike dhe përplasjet me ish-kryeministrin Berisha.

Shenjat e para i ka dhënë Kreshnik Çollaku, dje në një qëndrim publik në rrjetet sociale, duke thënë se të bashkuar zgjedhjet mund të fitohen.

Njeriu i cili iu tha demokratëve serbë, dhe bashkëpunëtorët e tij, kolegët, që i quajtën militantët pijanec, ordiner, hajdut, të korruptuar, etj, shtrin dorën e bashkëpunimit.

Në fakt, këtu zbulon një detaj. Argumentin se në rast se Lulzim Basha hyn në zgjedhjet e pjeshme lokale dhe I humbet ato, justifikimi do jetë përçarja e PD-së nga Berisha dhe mbështetësit e tij.

Një lëvizje tjetër brenda këtij vizioni është dhe argumenti se këto zgjedhje nuk kanë peshë për Lulzim Bashën.

Pra, nuk mund të gjykohet Lulzim Basha në rast se humb gjashtë bashkitë, sepse PD-ja jo vetëm është e përçarë, por se dhe rezultati nuk mund të lexohet politikisht si lider për Lulzim Bashën, kur këto janë thjeshtë dhe vetëm zgjedhje lokale.

Këto janë tre versionet të cilat tashmë stafi i ngushtë i Lulzim Bashës po përdor si analizë për t?i hedhur më pas në treg. Po i përdor në rrethe të ngushta për të goditur më pas mediatikisht dhe për të pasur një qëndrim të qartë.

Hyrja në zgjedhje, ka së pari, versionin e përçarjes, së dyti nuk mund të gjykohet Basha. Dhe bojkoti i tyre ka versionin se zgjedhjet duhet të përsëriten të plota.

Basha sërish nuk bën asgjë tjetër. Thjeshtë dhe vetëm gjen një strategji justifikuese, për humbjen e radhës që mesa duket edhe në bastionin e saj në Shkodër, Lulzim Basha do ta ketë të vështirë të fitojë zgjedhjet me logon e grabitur të Partisë Demokratike dhe mbajtjen me dhunë të zyrave të saj./CNA.al

Zgjedhjet vendore/ KQZ i përgjigjet Metës

Pasi i quajti serbë, deputeti i Lulit u ?lutet? demokratëve/ Bashkohuni me ne të fitojmë bashkitë

“Legen, nuk jemi serb”/ Demokratët “copëtojnë” Kreshnik Çollakun

Kreshnik Çollaku ?kërcënon? demokratët/ “Kush ka prodhuar kartat për Kuvend, do ndiqet penalisht”