Shtatë sekrete për të shmangur shtimin në peshë gjatë festave

31 Dhjetor 2021, 11:30, Lifestyle CNA
Shtatë sekrete për të shmangur shtimin në peshë

?Është stina për të ngrënë tepër, dhe statistikat tregojnë se shumë prej nesh do të bëjnë pikërisht këtë. Shumica e të rriturve fitojnë një ose dy kilogramë midis mesit të nëntorit dhe mesit të janarit. Ndërsa nuk duket ndonjë peshë e madhe, shumica e njerëzve nuk i humbasin dot  kilogramët shtesë, kështu që me kalimin e kohës, sezoni i festave mund të jetë një nga kontribuuesit më të mëdhenj në shtimin e peshës”, sipas Healthline.

Ja se si mund të shijoni festat dhe ushqimin pa fituar shumë kilogramë:

Dietologët rekomandojnë të hani çdo tre deri në katër orë për të mbajtur të qëndrueshëm sheqerin në gjak.

“Ju mund të kuptoni se ëmbëlsira e blerë në dyqan në krye të tryezës është në fakt një nga opsionet më pak tërheqëse në dispozicion,”thotë Kara Hochreiter, një dietologe e regjistruar dhe themeluese e Byte Sized Nutrition. Pasi të keni marrë vendimin tuaj se çfarë të hani, zgjidhni pjesë më të mëdha të të preferuarave tuaja dhe pjesë të tjera në madhësi të kafshatës.

Lisa Lynn, një eksperte e njohur e fitnesit dhe të ushqyerit, thotë për Newsmax se ajo shërben ose sjell ushqime të shëndetshme, të tilla si karrota dhe selino, për t’i ngrënë para vaktit, kështu që ajo ndihet e ngopur duke mos pasur nevojë të marrë një sasi të madhe ushqimi.

Tara Collingwood, një folëse dhe autore kryesore, si dhe një dietologe sportive e certifikuar nga bordi, thotë për Newsmax se ajo përpiqet të përqendrohet më shumë te njerëzit sesa vetëm te ushqimi. “Përfitoni për t’u kapur në shoqëri me miqtë dhe familjen në vend që të qëndroni pranë tryezës dhe të prisni që ëmbëlsira të shërbehet.”

Programoni një shëtitje dhe aktivitete të rregullta familjare, thotë Healthline, në vend që të uleni dhe të shikoni televizor. Një shëtitje pas darkës do t’ju ndihmojë gjithashtu të tretni si dhe të digjni kalori shtesë.

Studimet tregojnë se njerëzit të cilët janë të hutuar kur hanë kanë tendencën ta teprojnë me ushqimin. Kushtojini vëmendje sinjaleve të ngopjes së trupit tuaj ndërsa përtypni ngadalë dhe mirë ushqimin.

Sipas Healthline, mungesa e gjumit, e cila është e zakonshme gjatë sezonit të festave, mund të çojë në shtim në peshë. Njerëzit që nuk flenë mjaftueshëm kanë tendencë të jenë më të uritur, gjë që çon në konsum më të lartë të kalorive. Gjithashtu, mungesa e gjumit tenton të ulë metabolizmin tuaj në mënyrë që të mos digjni kalori në mënyrë aq efikase. /A.E-CNA.al

Lajmet e fundit nga