web counter
LEXO PA REKLAMA!

SHKARKO APP

App Store
Google Play

Korrupsioni/ Apeli i përgjumur i Lulzim Bashës

9 Dhjetor 2021, 10:22, Politikë CNA

Kryetari i PD, Lulzim Basha, është kujtuar pothuajse në mesditë për të folur për Ditën kundër Korrupsionit.

Përmes një statusi në Twitter, Basha është shprehur se është koha për të ecur përpara në përballjen me korrupsionin dhe për të pastruar politikën nga abuzuesit dhe njerëzit e lidhur me krimin.

Ai shkruan se është korrupsioni ai që po varfëron qytetarët.

?Arsyeja pse fatkeqësisht Shqipëria renditet gjithmonë e më shumë e fundit për gjërat që ua lehtësojnë jetën shqiptarëve dhe e para për ato që ua bëjnë të pamundur atë, është korrupsioni.

Është korrupsioni që varfëron qytetarët, që dëmton demokracinë, që shpopullon vendin, që vret besimin tek e ardhmja.

Ndaj këtë 9 Dhjetor, Ditën Ndërkombëtare Kundër Korrupsionit, përballë kapjes së shtetit nga paligjshmëria dhe pandershmëria, është koha për një angazhim dhe mobilizim të të gjithë shoqërisë për të ecur me vendosmëri përpara në përballjen me korrupsioni dhe të korruptuarit dhe për pastrimin e politikës nga abuzuesit dhe njerëzit e lidhur me krimin dhe korrupsionin, për një politikë të pastër në shërbim të familjeve shqiptare dhe mirëqënies së tyre, #vettingnëpolitikë?, shkruan Basha./ A.E-CNA.al

 





Lajmet e fundit nga