web counter
LEXO PA REKLAMA!

SHKARKO APP

App Store
Google Play

E fundit!

x

“Duhet të dalim nga autokracia”/ Kulluri akuza Bashës: Merr vendime personale

8 Dhjetor 2021, 20:23, Politikë CNA

Ish-anëtari i Këshillit Kombëtar, Edvin Kulluri deklaroi se ende nuk ka marrë një ftesë për të qenë pjesëmarrës në Kuvendin e 11 dhjetorit.

Në një dalje për mediat, Kulluri theksoi se ai ka qenë një ndër njerëzit e paktë që ka treguar haptazi mosdakordësinë me Bashën, pasi sipas tij, ky i fundit merr vendime personale.

?Nuk kam një ftesë. Ka ende tre ditë kohë. Ndër të paktit njerëz që kam treguar qëndrueshmërinë time. Shumica nuk ka qenë dakord me këtë lidership, por kishin zgjedhur indiferencën. Mund të jetë dhe ngarkesë apo neglizhencë, qoftë lehtësi.

Kam refuzuar të bashkëpunoj me këtë lidership për arsye që i kam thënë prej gati 5 vitesh. I duhet bërë yzmeti në çdo aspekt këtij Kuvendi. E kam kërkuar me kohë që e vetmja mënyrë që të dalim nga autokracia, arroganca dhe lidershipi aktual është kthimi tek e kundërta, normaliteti demokratik.

Kam qenë kundër Bashës sepse e drejton partinë në mënyrë personale. Aktet politike duhet të jenë kolegjiale e demokratike. Nuk shoh asgjë kundër nga dëshira për të qenë në krye të PD. PD është në ditën më të vëshitë të saj pas ?97. Unë jam për të qenë i qëndrueshëm. Në politikë je i detyruar të japësh më shumë sesa të marrësh. Partia duhet të dalë nga ky kolaps”, tha Kulluri./CNA.al





Lajmet e fundit nga