LEXO PA REKLAMA!

SHKARKO APP

Abedin mbaj shënim... E pastaj thoni pse na vriten policët e derdhim lotin rrëke për dëshmorët e atdheut

29 Tetor 2021, 17:21, Opinione CNA
Abedin mbaj shënim... E pastaj thoni pse na vriten policët e derdhim

Nga Elton Qyno

A ju kujtohet një farë, Abedin Oruçi, që në janar të vitit 2021 së bashku me shokët e tij, vuri përpara një grup policësh, që shkuan ta arrestonin në ambjentet e lokalit. Policët e Kukësit shkuan që të vinin përpara Abedinin, por në fakt ndodhi e kundërta se Abedini, i vuri ata përpara me armë dhe çunat që kishte me vete.

Për të gjithë ata që nuk e njohin, Abedin Oruçi, ka shërbyer për disa vite si ish-kryetar i Qarkut të Kukësit. Në 12 Janar 2021, ai i shpëtoi një arrestimi, duke kërcënuar e dhunuar forcat e policisë që tentuan ta vënë në pranga.

Më shumë se 24 orë pas ngjarjes, policia e Kukësit reagoi në atë kohë zyrtarisht për operacionin e dështuar, për të vënë në pranga ish- kryetarin e këshillit të Qarkut, Abedin Oruçi, i cili ishte person në kërkim.

Në njoftim, thuhet se ai ishe lokalizuar në një lokal që ka në pronësi, por efektivët që hynë në aksion u kërcënuan me armë zjarri nga ish zyrtari i këtij shteti dhe janë konfliktuar fizikisht me të afërm të tij.

Abedin Oruçi, arriti të largohet nga lokali ku ishte lokalizuar duke kërcënuar policët me armë dhe duke përfituar nga përplasja që u krijua aty.

Ja pra që Oruçi na iku, iku dhe janari dhe erdhi Tetori dhe çështja penale që nisi me shumë vrull në prokurorinë e Kukësit, përfundoi në koshin e plehrave.

Kjo pasi Abedini nuk rrinte kot në arrati. Kërcënoi tërë dybnjanë zotëria, se medemek i kishin rënë kot në qafë, dha dhe intervista, vuri në lëvizje prokurorë, gjyqtarë e ?mafiozë? dhe ja pra në datën 18 Tetor i pushohen akuzat, Abedinit.

Kërkesa për pushimin e akuzave është bërë nga titullari i prokurorisë së Kukësit, Xhevahir Lita, i cili para se të kryente këtë veprim mësohet se ka hequr nga dosja hetimore prokuroren e çështjes, Enkelejda Hoxha.

Ikën Hoxha dhe vjen Lita dhe ja që në datën 18 tetor 2021, ndodh mrekullia për Abedinin që qëndronte në arrati, vëllain e tij Petrit Oruçi që qëndronte në arrati dhe tre personat e tjerë, Eglant Ollomani, Zekri Shehu, Behar Duraku, të akuzuar për ?Ndërtim pa lejë?, ?Kundërshtim me forcë të punonjësve të policisë?, ?Kanosje për shkak të detyrës?, ?Kundërshtim në krye të detyrës? dhe ?Veprime që pengojnë zbulimin e të vërtetës?.

Sot Abedini së bashku me 4 personat e tjerë janë lënë të lirë, pasi në 18 tetor 2021, gjyqtari Sami Ujkashi, vendosi të pranojë kërkesën e prokurorit Xhevahir Lita, për pushimin e akuzave dhe komplet dosjen penale ndaj personave nën hetim.

Dhe që padyshim fajtorët e vetëm në gjithë këtë histori paskan qënë ata kodoshë policë, që shkuar të zbatonin një vendim gjykate.

E pastaj thoni, pse na u vranë policët?

Hë pra pse?

E që më pas s?na ngelet gjë tjetër, veç të derdhim lotin rëke për dëshmorët e atdheut, e tu japim të gjitha të mirat anëtarëve të familjes që ata lenë pas?

Ndërkohë që kur janë gjallë dhe në detyrë s’kemi këllqe ti mbrojmë as ligjërisht./CNA.al

 

Lajmet e fundit nga