LEXO PA REKLAMA!

SHKARKO APP

Helmimi/ Manastirliu zbret në Krujë, qetëson qytetarët

26 Tetor 2021, 09:54, Aktualitet CNA
Helmimi/ Manastirliu zbret në Krujë, qetëson qytetarët

Ministrja Ogerta Manastirliu ka reaguar lidhur me helmimin e qytetarëve në qytetin e Krujës, teksa ka deklaruar se situata nuk ka qenë e rënduar dhe se shumica e të helmuarve, pas marrjes së ndihmës mjekësore janë dërguar në shtëpi.

Ajo ka shprehur se nga dita e diel e deri më sot, rreth 370 qytetarë janë paraqitur në qendra spitalore për marrjen e ndihmës mjekësore dhe se hetimet janë përqëndruar në disa pista.

?Kam folur me mjekët për gjendjen shëndetesore. Situata paraqitet  e qëndrueshme dhe pa probleme serioze. Me shume se 200 qytetarë janë paraqitur ne siptalin e Krujës dhe janë trajtuar nga shërbimi mjekësor. Qytetarët pasi kanë marrë shërbimin janë drejtuar për në shtëpi, pasi është parë se gjendja është e qëndrueshme. Aktualisht ka disa qytetarë që po marrin akoma shërbimin mjekësor.

Sa i përket shkakut, po bashkëpunojmë për të kryer investigime për të gjitha pistat e mundshme. Ekspertët tanë po vazhdojnë të investigojnë. Janë marëe të gjitha mostrat laboratorike dhe po vazhdojnë hetimet. Në momentin që do kemi rezultatet përfundmitare do të bëjmë publik raportin?, tha Manastirliu për mediat./CNA.al

Lajmet e fundit nga