LEXO PA REKLAMA!

SHKARKO APP

Helmimi i qytetarëve në Krujë/ Meta ngre alarmin tek autoritetet

26 Tetor 2021, 09:05, Aktualitet CNA
Helmimi i qytetarëve në Krujë/ Meta ngre alarmin tek autoritetet

Presidenti Ilir Meta ka reaguar sa  i takon helmimit nga uji i banorëve në Krujë, ku ka deklaruar se kjo situatë alarmante  duhet trajtuar me shumë përgjegjësi nga instancat shtetërore.

?Me shqetësim po përcjell helmimin në masë të banorëve të Krujës, një situatë alarmante, që duhet trajtuar me shumë përgjegjësi dhe seriozitet nga institucionet shtetërore përgjegjëse për shëndetin publik, por edhe nga drejtësia?, shkruan Meta në rrjete sociale.

Nga ana tjetër, presidenti ka uruar qytetarët për shërim sa më të shpejtë dhe ka shprehur solidaritet me familjet e tyre.

?Qytetarëve të helmuar, ju uroj shërim sa më parë dhe tejkalimin pa pasoja të rënda dhe afatgjata, si dhe ju shpreh familjeve të tyre të gjithë solidaritetin?, shprehet Meta.

Ai gjithashtu nuk ka lënë pa përgëzuar edhe ekipet mjekësore, për profesionalizmin dhe kujdesin e ofruar ndaj qytetarëve të helmuar.

?Mbështes dhe përgëzoj ekipet mjekësore për kujdesin dhe profesionalizimin e dëshmuar derimë tani dhe i nxis shërbimet shëndetësore epidemiologjike dhe ato të mjekësisë ligjore të zbardhin sa më parë burim shkakun dhe shkaktarët dhe përgjegjësit e kësaj ngjarjeje të rëndë, që përbën një kërcënim serioz për jetët njerëzore dhe Sigurinë Kombëtare?, shkruan presidenti Meta./CNA.al

Lajmet e fundit nga