web counter
LEXO PA REKLAMA!

SHKARKO APP

App Store
Google Play

E fundit!

x

Prokurorja në gjendje të rëndë shëndetësore/ Qeveria akordon 1.2 milionë lekë për shpenzimet mjekësore

18 Shtator 2021, 13:40, Politikë CNA

Qeveria ka marrë vendimin për t?i akorduar 1.2 milionë lekë mbështetje financiare prokurores së Pukës, Elidiana Kasa, për kurime shëndetësore.

Sipas vendimit thuhet se ky fond do të përballohet nga Fondi i Sigurimit të Detyrueshëm të Kujdesit Shëndetësor.

?MBULIMIN E SHPENZIMEVE TË MJEKIMIT TË ZNJ. ELIDIANA KASA

Në mbështetje të nenit 100 të Kushtetutës, të ligjit nr. 137/2020, ?Për buxhetin e vitit 2021?, të ndryshuar, dhe në vijim të vendimit nr.20, datë 20.1.2021, të Këshillit të Ministrave, ?Për financimin e shërbimeve shëndetësore spitalore nga skema e detyrueshme e sigurimeve të kujdesit shëndetësor për vitin 2021?, të ndryshuar, me propozimin e ministrit të Shëndetësisë dhe Mbrojtjes Sociale, Këshilli i Ministrave

V E N D O S I:

1-Mbulimin e shpenzimeve të mjekimit të znj. Elidiana Kasa, në masën 1 200 000 (një milion e dyqind mijë) lekë.

2-Ky fond të përballohet nga Fondi i Sigurimit të Detyrueshëm të Kujdesit Shëndetësor.

3-Pagesa të bëhet me paraqitjen e faturave përkatëse të institucionit të kurimit.

4-Ngarkohen Ministria e Shëndetësisë dhe Mbrojtjes Sociale dhe Fondi i Sigurimit të Detyrueshëm të Kujdesit Shëndetësor për zbatimin e këtij vendimi.

Ky vendim hyn në fuqi menjëherë?, thuhen në vendimin e marrë nga qeveria./ CNA.al





Lajmet e fundit nga