LEXO PA REKLAMA!

SHKARKO APP

“Nuk e diskutoj statusin e Kosovës”/ Kurti kërkon njohjen nga Greqia

21 Korrik 2021, 19:39, Kosova & Bota CNA
“Nuk e diskutoj statusin e Kosovës”/ Kurti kërkon njohjen

Në një intervistë për mediat greke, kryeministri i Kosovës Albin Kurti ka ritheksuar qëndrimin e tij kundër ndryshimit të kufijve duke u shprehur i vendosur se dialogu me Beogradin ka të bëjë vetëm me marrëdhëniet mes dy vendeve.

?Kosova kërkon zgjidhje për çështjet e mbetura pezull me fqinjët përmes dialogut. Ne do të jemi të gatshëm për të përmirësuar marrëdhëniet në Ballkan, vetëm nëpërmjet dialogut parimor të përgatitur mirë dhe të bazuar në vlera evropiane. Unë nuk do të diskutoj statusin e Kosovë, integritetin tonë territorial, çështja është e mbyllur. Nuk mund të lejojmë ringjalljen e projekteve të dështuara për shkëmbimin e territoreve. Serbia duhet të distancohet nga regjimi i Millosheviçit.?-tha Kurti.

Gjithashtu, ai ka theksuar se ?Njohja e pavarësisë së Kosovës nga Greqia do të ishte një tregues i mirë se Athinë është e gatshme të luajë rol kryesor rajonal në Ballkan?.

?Ne i jemi mirënjohës Greqisë për mbështetjen dhe qëndrimin e saj pozitiv ndaj Republikës së Kosovës në proceset e integrimit në rajon dhe Europë. Gjithashtu ne e vlerësojnë qëndrimin konstruktiv ndaj vendit tonë të cilët Greqia e ka treguar edhe në mbështetjen e dhënë në favor të liberalizimit të vizave.  Greqia duhet të jetë me popullin e Kosovës. Greqia dhe Kosova duhet të forcojnë marrëdhëniet mes tyre për shkak të qëllimit të përbashkët të stabilitetit dhe paqes në Ballkan.

Kosova dëshiron të forcojë marrëdhëniet afatgjata më Greqinë, si faktor i rëndësishëm i stabilitetit në rajon. Ritheksoj, ne e vlerësojmë mbështetjen e Greqisë, dhe duke pasur parasysh peshën rajonale të saj ne do ta mirëprisnim vendimin për njohjen e Kosovës. Njohja do të ishte dëshmi thelbësore e rolit rajonal të udhëheqjes që Greqia duhet të luajë.

Ndërsa marrëdhëniet ekonomikë Kosovë-Greqi po forcohen dhe kjo dëshmohet nga shërbimi ekonomik virtual i organizuar nga dy Ministritë e Punëve të Jashtme në prill të 2021. Edhe pse dua të shtoj se ka shumë hapësirë për rritjen dhe zhvillimin e tregtisë mes dy vendeve.?- është shprehur Kurti.

Lajmet e fundit nga