LEXO PA REKLAMA!

SHKARKO APP

Shqipëria “mposht” Covid-19/ Manastirliu jep lajmin e mirë

5 Qershor 2021, 14:26, Sociale CNA
Shqipëria “mposht” Covid-19/ Manastirliu jep lajmin e mirë

Në Shqipëri duket se situata nga Covid-19, ka një përmirësim të ndjeshëm, ndërsa rastet e reja të prekur nga virusi vijojnë të ulen.

Ndërkohë ditën e sotme, ministrja e Shëndetësisë, Ogerta Manastirliu bën të ditur se 24 oret e fundit ka pasur vetëm dy raste të reja të prekur nga koronavirusi.

?#Covid19, vetëm 2 raste të reja sot?-shkruan Manastirliu.

Ditën e djeshme Shqipëria shënoi 12 raste të reja, ndërkohë edhe sot nuk ka asnjë viktimë nga COVID-19.
29 pacientë e kanë fituar betejën me COVID-19 kurse tek spitali Infektiv vijojnë trajtimin 28 pacientë, 5 prej të cilëve në terapi intensive.

Që prej fillimit të pandemisë Shqipëria nuk ka shënuar një shifër kaq të ulët teksa me fillimin e verës edhe numrat po bien afër 0.

NJOFTIMI NGA MINISTRIA E SHËNDETËSISË

COVID19/ Ministria e Shëndetësisë: Asnjë humbje jete, 3593 testime, 29 të shëruar, 2 raste të reja në 24 orët e fundit

Ministria e Shëndetësisë dhe Mbrojtjes Sociale ju bën apel qytetarëve të vijojnë të zbatojnë me përpikmëri rregullat për parandalimin e COVID19: Vendosni maskën mbrojtëse në çdo ambient të mbyllur dhe kudo ku nuk mund të ruhet distancimi fizik, kujdesuni për higjenën vetjake dhe vetëizolohuni kur dyshoni se jeni të prekur nga COVID19.

Situata e COVID19 në 24 orët e fundit është si vijon:
Janë kryer 3593 testime, nga të cilat kanë rezultuar pozitivë 2 qytetarë. Rastet pozitive të konfirmuara janë identifikuar në këto bashki: 1 rast në Tiranë, 1 rast në Lezhë.

Aktualisht po marrin trajtim spitalor 28 pacientë, nga të cilët 5 pacientë janë në terapi intensive.

Në 24 orët e fundit nuk ka asnjë humbje jete me Sars-Cov2 pozitiv.

Në 24 orët e fundit janë shëruar 29 qytetarë, duke e çuar numrin e të shëruarve në 129,627 që nga fillimi i epidemisë.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital.

Statistika (5 Qershor 2021)

Raste të reja ditore 2
Të shëruar në 24 orë 29
Të shtruar në spitale 28
Humbje jete në 24 orë 0

Testime ditore 3,593

Testime totale 736,591
Raste pozitive 132,374
Raste të shëruara 129,627
Raste Aktive 296
Humbje jete 2,451

Shpërndarja gjeografike e rasteve aktive sipas qarqeve:

Tiranë 80
Shkodër 60
Korçë 41
Berat 35
Lezhë 25
Elbasan 18
Gjirokastër 11
Vlorë 11
Durrës 4
Kukës 4
Fier 4
Dibër 3 /CNA.al

Lajmet e fundit nga