LEXO PA REKLAMA!

SHKARKO APP

E fundit!

x

“Përvjetori i dashurisë”/ “Hija e zezë” që vijon të përndjekë Bashën

17 Maj 2021, 11:48, Politikë CNA
“Përvjetori i dashurisë”/ “Hija e zezë”

Kryetari i Republikës së Re, Lulzim Basha pas marrjes së drejtimit të kësaj force politike, tashmë e ka bërë strategji që pas çdo dështimi, justifikohet ose viktimizohet para demokratëve. Gjithmonë Lulit ia vjedhin votat. Edhe pse me zë dhe figurë është parë, që ai ?vjedh? edhe në shtëpinë e tij. Kujtojmë këtu zgjedhjet për kreun e PD pas zgjedhjeve parlamentare të 2017. (lexo ketu)

Por, në fakt duket se pikënisja e ?halleve? të Lulzim Bashës, është pikërisht 17 maji i vitit 2017, e cila si një “hije e zezë” vijon ta përndjekë.

Në 18 shkurt të vitit 2017, pra në prag të zgjedhjeve parlamentare, Partia Demokratike, e udhëhequr nga Lulzim Basha filloi një protestë në Tiranë, e cila vijoi për rreth tre muaj në çadrën e vendosur në Bulevardin ?Dëshmorët e Kombit?, në kryeqytetin e Shqipërisë, me kërkesën për dorëheqjen e qeverisë dhe krijimin e një qeverie teknike për organizimin e zgjedhjeve parlamentare.

Lulzim Basha në 17 maj, pas pazarit me Edi Ramën, brenda pesë minutash pasi kaloi mesnata, dërgoi Ivi Kason në KQZ me një listë kandidatësh për deputetë, që askush nuk e dinte dhe Luli nuk kishte thirrur as kryesinë dhe as institucionet e tjera të partisë për të diskutuar këtë listë.

Detajet e asaj marrëveshje nuk u bënë kurrë publike, por ajo cfarë ndodhi më pas, tashmë dihet.

Lulzim Basha fitoi 16 milionë eurot e pallatit të vjehrrit të ndërtuar në rërën e detit Jon në Vlorë, bizneset e familjes së tij për cudi pësuan rritje, ndërsa demokratët pësuan humbje të njëpasnjëshme.

Lulzim Basha humbi zgjedhjet parlamentare të 2017 me një rezultat katastrofik. Dogji mandatet duke lënë të papërfaqësuar demokratët në parlament në 2019. Braktisi zgjedhjet lokale të 30 qershorit 2019, duke i dorëzuar Ramës në tavolinë 61 bashki dhe për të ardhur së fundi tek humbja e turpshme e radhës, në zgjedhjet e 25 prillit 2021.

Dhe si gjithmonë Lulit ?ia vjedhin votat?, dhe për këtë ai nuk ka sesi të mbajë përgjegjësi. Në fakt ajo që është tashmë e qartë për të gjithë shqiptarët, është fakti se është marrëveshja e 17 majit 2017, e cila vijon tài shkaktojë PD-së sëriosh kosto të mëdha. Ndërsa Luli vijon të ?festojë? përvjetoret e ?dashurisë? mes tij dhe Edi Ramës, të cilit i ka shërbyer si patericë për mbajtjen e pushtetit për tetë vite me radhë, duke i siguruar edhe mandatin e tretë./ CNA.al

Lajmet e fundit nga