LEXO PA REKLAMA!

SHKARKO APP

I dehur, dërgoi mesazhe kërcënuese?/ Pse Meta nuk e dorëzon telefonin në SPAK

8 Maj 2021, 08:48, Politikë CNA
I dehur, dërgoi mesazhe kërcënuese?/ Pse Meta nuk e dorëzon

Me 29 Prill, Presidenti Ilir Meta dha alarmin, se i kishin hakeruar numrin e telefonit dhe nëpërmjet tij kishin dërguar mesazhe kërcënuese, personave të tjerë.

Meta nxori në media zëdhënësin e tij, Tedi Blushin, i cili tha se ishte fabrikuar numri personal i Presidentit, me anë të të cilit  janë kërcënuar qytetarët me mesazhe.

?Për këtë skandal kriminal të keqpërdorimit të numrit të Presidentit të Republikes do kërkohet hetim i menjëhershëm edhe ndërkombëtar, pasi nëse institucionet tona do të ishin funksionale askush nuk do të guxonte të bënte akte të tilla të çmendura dhe të dënueshme ligjërisht, që mund të venë në rrezik serioz edhe sigurinë kombëtare të Republikës së Shqipërisë, vend anëtar i NATO-s?, tha Blushi .

Meta akuzon kompaninë celulare me pretendimin se sipas të dhënave të siguruara nga ai mesazhet e manipuluara, janë dërguar nga qendra e mesazheve të kompanisë telefonike.

Por, në fakt nuk ka se si të akuzojë kompaninë celulare, se i janë dërguar mesazhet nga numri i tij, ndërkohë që gjendet kollaj se kush i ka çuar SMS-të.

Së pari kompania telefonike mund të indetifikojë informacionin  tek qelizat, tek antenat e sinjalit.

E dyta  gjithçka mund të verifikohet edhe nëpërmjet telefonit.

Por, a është i gatshëm Ilir Meta të shkojë dhe ta dorëzojë telefonin në SPAK?

Veprim të cilin se ka bërë deri më tani. Është mjaftuar me akuza, ndërkohë që nuk ka ndërmarrë asnjë hap konkret për të zbardhur të vërtetën.

Pra, deri më tani ka fjalë dhe vetëm fjalë nga Presidenti.

Pasi, kur bën akuza duhet të japësh edhe disa prova apo të tregosh vullnetin tënd, se ajo thua nuk është e gënjeshtërt.

Në qoftë se Ilir Metës i kanë hakeruar telefonin dhe e ka marrë dikush numrin e tij e ka keqpërdorur dhe ka dërguar SMS tek personazhe të tjerë, verifikimi është tejet i lehtë.

Dhe nuk ka nevojë që Meta të nxjerrë Blushin apo të dalë dhe të bërtasë vetë në media, por të tregojë se është i gatshëm për zbardhjen e kësaj ngjarje dhe të vërë në dijeni edhe opinionin publik.

Në këtë rast hapi i parë është dorëzimi i telefonit pranë SPAK-ut. Sepse duhet të hetohet së pari, se mos vetë Ilir Meta i ka dërguar këto mesazhe.

Pasi gjatë kohës së fushatës u tha, se lajthiti fare, pinte alkol ditë e natë dhe kur ka parë rezultatet ndoshta ka qenë i dehur dhe në mërzitje e sipër nga inati ka kërcënuar dhe ka sharë njerëz.

Tani çdo njeriu i falen këto veprime, siç u katandis Presidenti ynë i shkretë, se e ka dhe me Kushtetutë që s?mban përgjegjësi për atë që bën.

Por, akuzat që ka hedhur publikisht para 10 ditëve, nuk mund të mbeten shashka në ajër dhe zhurmuese për opinionin publik.

Ndaj, Meta duhet të çojë telefonin në SPAK që të vërtetohet.

A e ka vullnetin Ilir Meta që ta çojë telefonin për verifikim?

Në mënyrë të tillë që SPAK-u të vlerësojë dhe të zbardhë akuzat, nëpërmjet sistemit të antenave të kompanive se ku ka qenë vendndodhja e Presidentit dhe nga cila qelizë janë shpërndarë mesazhet.

Apo e ka tërhequr qëndrimin e mëparshëm Ilir Meta, që ia kishin hakeruar telefonin dhe dikush shpërndau SMS në emër të tij.

Se mund të na ndodhë se ato SMS janë shpërndarë nga antena në Gjirin e Lalzit. Mund të ndodhë që Meta ka qenë i pirë dhe dikush tjetër ia ka marrë telefonin dhe i ka dërguar.

Ndaj Presidenti duhet ta bëjë një hap për të zbardhur të vërtetën, të çojë telefonin në SPAK, nëse nuk ka gënjyer më herët për ato që ka thënë.

Më poshtë po sjellim një video nga intervista e Presidenti Ilir Meta në Opinion, ku u shfaq i dehur, duke iu marrë goja dhe duke harruar emra. Ndoshta edhe kur janë dërguar SMS-të, mund të ketë qenë në një gjendje të tillë./CNA.al

Lajmet e fundit nga