Video-"Meta është streha e fundit e maskarenjve”/ Akuzat e kreut të PD ndaj Presidentit

20 Prill 2021, 07:57, Politikë CNA

Partia Demokratike ka nënshkruar marrëveshje paszgjedhore me Lëvizjen Socialiste për Integrim, që nënkupton krijimin e një Qeverie sëbashku, sigurisht nëse do të fitojnë me 25 Prill 2021.

Lulzim Basha bën koalicion me shpk e Ilir Metës, në një kohë që më herët, lëshonte akuza kundrejt tij.

Në kohën që Meta ishte kryetar Kuvendi, Basha e ka etiketuar si ?Tregëtar i Venedikut? , ndërkohë sot sipas tij është gardian i Kushtetutës.

Deklaratat kontradiktore, kundër Metës, nuk e kanë penguar kreun e PD-së, që të ulet në prehrin e tij dhe të gjejë mbështetje e siguri tek ai.

Kujtojmë se para zgjedhjeve të vitit 2017, gjatë një proteste të opozitës, të zhvilluar në qytetin e Kukësit, kryetari i Partisë Demokratike, Lulzim Basha, sulmoi ashpër edhe kryetarin e Kuvendit, Ilir Metën.

Duke folur për lëvizjen e kryetarit të bashkisë së Kukësit nga Partia Demokratike tek Lëvizja Socialiste për Integrim, ai tha se Meta është streha e fundit e maskarenjve.

Basha tha,se Partia Demokratike nuk do të ndalet përballë situatës së kriminalitetit dhe se do ta çojë betejën deri në fund.

“Ilir Meta është streha e fundit e maskarenjve, këtë tani e dinë të gjithë”, ka thënë Basha në protestën e opozitës në Kukës,

Dikur, Basha e quante Metën “streha e fundit e maskarenjve”, e ndërsa sot zgjedh që t’i bashkohet edhe vetë kësaj strehe.

Çfarë ndodhi me maskarenjtë dhe strehën e tyre, që Basha zgjodhi t?u bëhej pjesë, ndryshuan apo bënë edhe të tjerë si vetja.

Lulzim Basha duhet t?i përgjigjet kësaj pyetje dhe të tjerave, të thotë nëse tashmë është edhe ai një maskara pasi është futur në strehën e Metës, apo për interesa personale e familjare është gati të ?përshtyjë aty ku ka lëpirë?.

Basha akuzonte Metën se SH.P.K-ja e tij, LSI-ja, do të falimentojë, pasi për vite të tëra ka skllavëruar votuesit.

Tani me sa duket Basha ka ndryshuar mendim dhe kërkon ndihmë pikërisht nga SH.P.K-ja e Ilir Metës, duke u bërë kështu i pabesueshëm në sytë e demokratëve dhe duke e fundosur dhe shkatërruar PD nga ditë në ditë./CNA.al