web counter
LEXO PA REKLAMA!

SHKARKO APP

App Store
Google Play

E fundit!

x

Rama “zihet” me Babaramon/ “Jam burrë me mjekër, e ule nivelin shumë”

19 Prill 2021, 20:19, Politikë CNA

Kryeministri Edi Rama është përplasur me gazetarin Ilir Babaramo, teksa ka qenë duke dhënë një intervistë për të.

Gjatë intervistës Rama është nervozuar disa herë nga ndërhyrjet e Babaramos, ndërsa është përplasur ashpër teksa është pyetur për rrugën që kreu i qeverisë ka premtuar se do të ndërtonte për të lidhur Sarandën me Gjirokastrën.

Pas disa ndërhyrjesh, Rama nuk pranoi të përgjigjej dhe i kërkoi moderatorit t?i bënte dhe disa pyetje me pretekstin se i duhej të largohej për punë.

Debati në emisionin “5 pyetje nga Babaramo”:

Rama: Të vij këtu unë një goxha burrë me mjekër e të më tregosh si janë zënë dy gra, ky është nivel i ulët shumë.

Babaramo: Njëra ngeli dëshmore.

Rama: Kjo është të lemë intervistën e të marrim uzo. Flasim për qafën e pazarit.

Babaramo: Edhe për rrapin e Vunoit…

Rama: Edhe për rrapin e Vunoit, rëndësi ka që të kemi një uzo e ta ndajmë këtë punë, heqim xhaketën e të rrimë rehat. Të lutem tani dhe sa minuta kemi?

Babaramo: Kemi, te gjysma jemi.

Rama: Jo te gjysma nuk jemi dot. Të lutem të vazhdojmë se duhet të iki.

Babaramo: Nuk më ktheve përgjigje…

Rama: Të lutem të mbarojmë shpejt. Më thuaj, më bëj pyetje të jap përgjigje, të gjitha pyetjet që ke se nuk jemi dot te gjysma se kështu nuk mbarojmë dot.

Babaramo: Në rregull, kthehemi te ata të dy..

Rama: Po pse do kthehemi te ata?

Babaramo: Po jo për gjë tjetër, ata janë kundër Reformës në Drejtësi, si Meta dhe Berisha.

Rama: Po këtë e di gjithë Shqipëria, këtë e di gjithë bota. Kalojmë në një temë tjetër të lutem se nuk dua të merrem me ta. Më pyesni për ata dhe pastaj thoni pse merreni me ta./ CNA.al





Lajmet e fundit nga