E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Pse duhet votuar Andrea Mano në Korçë

9 Prill 2021, 12:20, Politikë CNA

Lista e Lulzim Bashës në Korçë është fyese dhe turpëruese për demokratët.

Emra si Suela Myrtollari dhe Andrea Mano janë poshtë listës. Ky i fundit i goditur për të disatën herë nga Lulzim Basha, megjithëse tetë vjet në krye të PD, por përpara tij në listë vihen të pavlerët.

Edmond Spaho, që ka qenë tre herë deputet në Korçë, nuk vjen nga Korça. Është devolli i lindur në Tiranë dhe s’ ka asnjë gjë me Korçën.

I dyti është Ervin Salianji, nga një fshat i Korçës, nga Lozhani, siç njihet ndryshe “Babalja” i Lozhanit. I treti në listën e PD është Bledion Nallbati që përfaqëson Devollin, por, askush nga këta nuk përfaqëson Korçën. Pa folur për të ruajtur raportet fetare në qytet, që do të ishte një vlerë e shtuar për shkak të asaj që përfaqëson vetë Korça.

Andrea Mano është njeriu që duhet votuar në Korçë. Ky është mesazhi i qytetarëve dhe i demokratëve jo vetëm për të thyer listën, por edhe për të treguar se ndërtimi i asaj që ka bërë Lulzim Basha ka qenë i gabuar. “Babalen”, nuk mund t’ua japë dhuratë qytetarëve korçarë.

Dhe qytetarët korçarë kur ti u dhuron “babale” të kthejnë kurrizin dhe shkojnë votojnë qytetarët. Duan apo nuk duan, qoftë edhe kritikët më të mëdhenj të Andrea Manos, ku futemi edhe ne, mbështesin qytetarët korçarë, se ata e përfaqësojnë shumë herë më mirë qytetin se sa “babalet”.

Prandaj, qytetarët korçarë, qofshin demokratë qofshin edhe pa parti apo të majtë, kushdo që mendon se duhet të votojë opozitën, se duhet ndryshim, do të ishte më mirë të votonin Andrea Manon se sa të votonin “babalen”.

Sepse ndryshim me “Babalen”, nuk mund të ketë.

Kushdo qoftë Andrea Mano është një qytetar korçar, vjen nga një familje qytetare. Përtej çdo gabimi në politikë dhe në jetë, pesha e tij në Korçë dhe vlerat që përfaqëson nuk kanë të krahasuar me Ervin Salianjin dhe Edmond Spahon apo me ‘babalet” e përfshira në listën e Lulzim Bashës.

Pa folur këtu për kryetaren e FRPD, Suela Myrtollari, e cila është lënë më poshtë akoma. Dhe emri i saj zëvendësohet nga një “histori rozë” e pasioneve të serviruara nga Fatbardh Kadilli tek Lulzim Basha.

Dhe për të mos lënë mënjanë, “historitë rozë” të Fatbardh Kadillit, kanë shkëlqyer në listën e Korçës.

Tani, korçarët kanë ngelur përballë faktit të votojnë “babalen” dhe “historitë rozë”, të “pjeshkave” të Fatbardh Kadillit , apo të votojnë Andrea Manon si qytetar dhe Suela Myrtollarin.

Është një moment reflektimi për të gjithë demokratët dhe jo për t’i bërë qejfin ndonjërit apo për të mërzitur dikë tjetër. Faktet janë fakte. Kush është në Korçë, kush përfaqëson Korçën, kush është qytetaria dhe kush janë kusuri./CNA.al