web counter
LEXO PA REKLAMA!

SHKARKO APP

App Store
Google Play

E fundit!

x

Kulluri i jep të drejtë Topallit dhe Patozit/ “Basha ka përçarë PD-në”

9 Prill 2021, 20:51, Politikë CNA

Ish-anëtari i Këshillit Kombëtar në Partinë Demokratike, Edvin Kulluri, i ka dhënë të drejtë drejtueses së Lëvizjes për Ndryshim, Jozefina Topalli dhe koordinatorit të bindjes për Ndryshim, ndërsa ka sulmuar kryetarin e opozitës Lulzim Bahsa.

Kulluri tha se Patozi dhe Topalli nuk kanë asnjë faj për gjendjen ku është katandisur PD.

Ai deklaroi në emisionin ?Zgjedhje 2021? në Vizion Plus se për përçarjen e PD-së përgjegjësinë e ka Basha.

?Patozi dhe Topalli nuk kanë asnjë faj për gjendjen ku është katandisur PD, sepse ne themi që kemi një opozitë të bashkuar, por kemi një PD të përçarë. Kemi një opozitë të bashkuar, por me dy lista. Për inat të Edi Ramës duhet të kyçim gojën të gjithë, për inat të Edi Ramës nuk duhet të ketë trafik influence nga shefi i opozitës me oligarkët që akuzon për ditë. Për inat të Edi Ramës nuk duhet të themi që PD nuk ka qartësi për pronat, nuk ka qartësi për sovranitetin ekonomik, për familjen.

Unë çështjen e kam parë vetëm një dhe patjetër që do të ndryshojë shumë seriozisht dhe me demokratët që janë kolegët e mi bashkë, pas 25 prillit ku nuk shoh asnjë entuziazëm për fitore. E djathta dhe e majta të riformatohet themelisht se ka humbur ndasi ideologjike dhe morale dhe këtë e kanë kuptuar 40% e shqiptarëve që nuk votojnë. Ky polarizim ekstrem falso mes PS dhe PD e di pse vjen, vjen për të fshehur polarizimin brenda PS mes socialistëve dhe Rilindjes dhe brenda PD mes sektit të Republikës së Re dhe demokratëve të vërtetë?, theksoi Kulluri./ CNA.al





Lajmet e fundit nga