web counter
LEXO PA REKLAMA!

SHKARKO APP

App Store
Google Play

E fundit!

x

Krimi i organizuar dhe korrupsioni/ Ministrja Etilda Gjonaj kapet duke gënjyer

20 Nëntor 2020, 10:50, Aktualitet CNA

Ministrja e Drejtësisë, Etilda Gjonaj, ka thënë sot, se reforma në Drejtësi ka shënuar pikën e kthimit në drejtim të intensifikimit të përpjekjeve në luftën kundër korrupsionit dhe krimit të organizuar përmes krijimit të Prokurorisë së Posaçme për Korrupsionin dhe Krimin e Organizuar.

Por, nëse iu referohemi fakteve, realiteti shfaqet ndryshe. Fakt është se po bëhet një vit nga ngritja e Strukturës së Posaçme Antikorrupsion dhe ende nuk ka asnjë rezultat. Hetimi më i madh i kryer nga SPAK-u, deri më tani ka qenë rasti kur një qytetar ka tentuar të korruptojë një efektiv policie duke i dhënë 1 mijë lekë të reja.

Ka edhe një hetim tjetër, që dyshohet se është më shume duket politik, se sa ligjor, ndaj gjyqtares Mimoza Margjeka, e cila rrëzoi kërkesën e Valbona Sako për të marrë manadatensi kryebashkiake e Durrësit. Por, raste të korrupsionit dhe të krimit të organizuar siç pretendon ministrja Gjonaj, SPAK, i ka hetuar vetëm në ëndërrat e saj. Vijojmë më tej, me fakte që përgënjeshtrojnë Gjonaj, duke u ndalur tek Byroja Kombëtare e Hetimit.

Edhe ngritja e Byrosë Kombëtare të Hetimit, po kalon përmes skandalesh. Pasi në listën përfundimtare janë njerëz të shkarkuar nga detyrat e mëparshme si dhe ata që vijnë nga një profil shumë i ulët karriere.

CNA.al ka raportuar më herët se në listën e 55 kandidatëve të përzgjedhur, janë shitës ambulantë, sekretare të Vettingut, ish SHIK-sa, si dhe funksionarë partiak lokal. Byroja e hetimit që ndryshe po etiketohet si FBI-ja shqiptare, do të ishte struktura e dytë e cila do ti jepte kuptim reformës në drejtësi dhe luftës ndaj korrupsionit të zyrtarëve.

Kështu, ende pa u ngritur, ky institucion është përfshirë në skandale, madje kandidatë potenciale i janë drejtuar Gjykatës. Por, Ministrja Gjonaj, kthesën pozitive të reformës në drejtësi, duket se e sheh përmes skandalesh, të cilat i konsiron si rezultate./CNA.al





Lajmet e fundit nga