LEXO PA REKLAMA!

SHKARKO APP

“Nuk janë rikthyer vizat”/ Çfarë është autorizimi i ETIAS

7 Tetor 2020, 07:06, Aktualitet CNA
“Nuk janë rikthyer vizat”/ Çfarë është

Ditët e fundit është ndezur një debat në lidhje me udhëtimin drejt vendeve të BE-së, për shqiptarët.

Debatet kanë lindur në lidhje me autorizimin e ETIAS, për udhëtimet në vendet e zonës Shengen, e cila është interpretuar si një rikthim i vizave.

Në fakt autorizimi ETIAS nuk është një vizë dhe shtetasit e vendeve me liberalizim të vizave, sikurse Shqipëria, do të vijojnë të udhëtojnë pa viza në BE, por thjesht do t’u kërkohet që të marrin një autorizim nëpërmjet ETIAS-it para udhëtimit të tyre.

Autorizimi për udhëtimet ETIAS nuk rivendos detyrimet që kërkohen për vizat. Nuk ka nevojë të paraqiteni në një konsullatë për të bërë një aplikim dhe nuk merret asnjë e dhënë biometrike.

Aplikimi online ETIAS plotësohet brenda vetëm pak minutave. I vetmi dokument që do t’ju nevojitet për të aplikuar në ETIAS është pasaporta e vlefshme.

Pas miratimit, autorizimi ETIAS është i vlefshëm për tre vjet, për një numër të pakufizuar hyrjesh në të gjitha vendet e zonës Shengen, nëse nuk qëndron më shumë se 90 ditë në një periudhë prej 180 ditësh./ CNA.al

Lajmet e fundit nga