E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fiks Fare denoncon skandalin/ Prokuroria provon falsitetin e dokumenteve, gjykata e shpall të pafajshme

1 Tetor 2020, 19:37, Denoncim CNA

Prokuroria kërkon dënimin për falsifikuesen dhe përfituesen Elida Misha, por gjykata thotë se pavarësisht pretendimeve të prokurorisë, s?mund të vërtetohet se është falsifikur nga Elida Misha. Dhe pikërisht kjo prokurori që provoi falsifikimet që ka bërë znj. Misha më pas e punëson si ekonomiste në institucion.

Aristotel Misha nga Përmeti, denoncon në Fiks Fare tjetërsimin dhe zaptimin e pronës së tij me dokumente të falsifikuara. Ai akuzohen kunatën e tij Elida Misha si falsifikatore. Sipas tij ajo ka falsifikuar, firmën e tij tek kontrata me ndërtuesin dhe tek akti i kolaudimit të ndërtesës katër katëshe.

Në vitin 1994 Aristotel Misha mori një leje shesh ndërtimi pranë Bashkisë Përmet. Ndërtoi një furrë buke të cilën e punoi për dy vjet. Në 1997 u largua për në Greqi nga ku u kthye në vitin 2013. Pikërisht gjatë kësaj kohe sipas tij, kunata nisi të falsifikojë firmën e tij dhe përdori një prokurorë të firmosur në mirëbesim për t?i marr pronën. Ai thotë se u stis një vendim nr 62 ku thuhet se KRRT Përmet anullon vendimin e saj për shesh ndërtimi, kur ndërkohë ndërtimi një katësh kishte përfnduar. Sipas tij ky vendim është i flasifikuar dhe e zotëron vetëm ajo, pasi në institucion nuk gjendet i arkivuar. Mbi ndërtimin e tij u hodhën edhe katër kate të tjera të cilat u shitën nga Elida Misha.

Fiks Fare kërkoi të takonte dhe intervistonte zonjën Elida Misha. Kjo e fundit deri në muajin Gusht punonte pranë Ujësjellës Kanalizimeve Përmet si Drejtore Tregtare. Për shkak se ju gjetën parregullësi në pasqyrat financiare nga Bashkia Përmet u kërkua të bëhet një audit i brendshëm. Zonja refuzoi të bashkëpunonte me audituesit , duke mos i vënë në dispozicon dokumentet. Për këtë arsye nga drejtuesi u mor vendimi për largimin e saj nga puna.

Auditi vazhdon dhe konkluzionet nuk kanë dalë akoma . Drejtori Bujar Ibrahimi gjatë intervistës për Fiksin shprehet se Elida Misha, deri në muajin Gusht punonte pranë ujësjellësit, por për shkak se ju gjetën parregullësi u vendos largimi i saj nga detyra.
Pa mbyllur mirë muajin Elida Misha kësaj radhe gjeti një tjetër punë si sekretare dhe ekonomiste pranë Prokurorisë Përmet. U punësua nga e njëjta prokurori e cili kërkoi që ajo të dënohej si falsifikatore. Kjo çështje është aktualisht në Gjykatë të Lartë dhe vete Elida nuk pranon të japë një intervistë. Sipas rojes së prokurorisë i cili kontaktoi me të ajo shprehet se ja ka lënë gjykatës dhe drejtësisë të vendosë për konfiktin me Aristotel Mishën.

Sipas përfundimit të hetimeve të Prokuorisë Përmet është provuar fakti se kjo pronë është përfituar dhe ndërtuar Nga Elida Misho mbi dokumente të falsifikuara. Më konkretisht prokuroria është shprehur se gjatë gjykimit është arritur në konkluzionin se përmbajtja e dokumentit që përcakton heqjen e lejes së sheshit të ndërtimit nga ka përputhje me realitetin, pasi ndërtimi ishte kryer dhe nuk mund të hiqej leja për një ndërtim të kolauduar.

Gjithashtu prokuroria sjell në vëmendje edhe dokumentin kontratë shit ? blerje i cili është gjetur dhe pranuar si i flasifikuar në të gjitha shkallët e gjyqësorit. Pavarisht se Prokuoria ka hetuar dhe ka arritur në konkluzionin që prona është përfituar mbi dokumente të falsifkuara, gjykata është shprehur se në tërësi fakti i falsifikimit të dokumenteve nuk provohet dhe se për dokumentin që është provuar i falsifikuar nuk provohet dot se është zonja Elida Misho falsifiktorja.

Si përfundim pavarësisht se prokuroria kërkoi dënimin me 6 muaj burg, gjykata çmoi se zonja Elida Misha është e pafajshme. Aktualisht çështja ndodhet në Gjykatë të Lartë./TCH