LEXO PA REKLAMA!

SHKARKO APP

Denoncimi: Zyrtari i policisë godet dhe kërcënon me kanun qytetarin

23 Shtator 2020, 14:47, Denoncim CNA

?Narkozyrtari kërcënon me kanun dhe jetë qytetarin!?.

Ky është denoncimi që ka bërë pak minuta më parë ish-kryeministri Sali Berisha, duke iu referuar mesazhit të një qytetari dixhital.

Berisha thotë se një ish-punonjës i policisë bashkiake, i cili është ngritur në detyrë, ka goditur një qytetar dhe e ka kërcënuar këtë të fundit me jetë sipas kanunit.

Qytetari ka bërë një kallëzim penal në polici dhe përmes ish-kryeministrit i kërkon organeve kompetente të marrin pamjet filmike nga objekti ku ndodhi ngjarja.

?Përshëndetje zoti Berisha, dua të denoncoj një punonjës që ka qenë punonjës policie bashkiake. Quhet Ilir, por siç ma deklaroi edhe vetë meqënëse është kriminel ka  kaluar disa shkallë më lart.

Mbrëmë më ka goditur dhe kërcënuar me jetë sipas kanunit (kam bërë edhe kallëzimin në polici) dhe përmes publikimit tuaj, ju lutem organeve kompetente të marrin pamjet filmike nga objekti ku ndodhi ngjarja.

Arsyeja e konfliktit lidhet me një video të publikuar tek Hipoteka me shërbimin skandaloz, pasi nuk kryen veprime pa u dhënë rryshfet. Përmendja e kanunit dhe hakmarrje personale nga ana e një punonjësi ligjor tregon qartë se ligji nuk funksionon?, thuhet në mesazhin e qytetarit dixhital./ CNA.al

Lajmet e fundit nga