Ish-ministri i Shëndetësisë “fshikullon” qeverinë/ Po fsheh dështimin pas “valës së dytë”

22 Shtator 2020, 15:08, Politikë CNA

Ish-ministri i Shëndetësisë Tritan Shehu fajëson qeverinë për situatën shëndetësore në të cilën ndodhet vendi aktualisht.

Shehu deklaron se gjendja e rëndë Covid reflekton keq menaxhimin Rama, ndërsa pretendon se kjo nuk është ?vala e dytë?.

Demokrati ngre akuzat se kujdesi parësor vazhdon të jetë i pambrojtur, mjekët e familjes nuk kanë një protokoll zyrtar mjekimi, spitalet periferike dhe klinikat janë të papregatitura dhe po bëhet një numër i ulët testesh.

Gjithashtu Shehu kritikon qeverinë se nuk ka arritur të sigurojë në sasi të mjaftueshme vaksinat Covid.

?Dikush dëshiron të fshehë dështimin Covid në vendin tonë mbas ?valës së dytë?. Nuk është e vërtetë, tek ne vazhdon pa asnjë pauzë ajo çfarë filloi në janar, vazhdoi më tej me një ?mbyllje? teatrale, e pasuar me atë ?hapje? pa asnjë strategji, veçse për të marrë Rama ?dafinat e fitores?, e gjithë kjo pa masa reale e eficiente edhe për të ardhmen.

Përfundimi është kjo krizë aktuale në thellim shëndetësore shumë mujore e pa asnjë pauzë, me një perspektivë të errët për vjeshtën e dimrin. Të dhënat që e konfirmojnë këtë gjendje tejet alarmante duket se kanë patur vetëm një efekt mbi qeverisjen, ?avullimin? Kryeministrit, asnjë përmirësim a veprim, asnjë pregatitje:

–Kujdesi parësor vazhdon i pambrojtur, i papregatitur e i paralizuar, kur ai veçanërisht në prag të fillimit edhe të virozave stinore duhet të jetë një mekanizëm thelbësor i përballjes.

Për mjekun e familjes nuk është shpërndarë as edhe një protokoll zyrtar mjekimi, asnjë mundësi më shumë trajtimi, duke e lënë çdo gjë sporadike e në amulli, me të gjithë koston financiare në mjekim dhe diagnostikim mbi pacientin, deri në sigurimin prej tij të burimeve të Oksigjenit jetik, ky është krim!

–Spitalet periferike me klinikat dhe terapitë intensive janë krejt të papregatitura për të pritur flukset e këtyre pacientëve apo të dyshuar për Covid, veçanërisht kjo e domosdoshme me fillimin e virozave.

–Numri shumë i ulët i testimeve publike nuk mund të sigurojë jo kërkimin e gjerë në popullsi, por as diagnostikimin e nevojshëm për rastet me simptoma, nevojë kjo në rritje me shpejtësi, veçanërisht në javët që vijnë.

–Dhe së fundmi është fakti që kjo qeveri e ka humbur pa hyrq edhe ?garën? për të siguruar sa më shpejt dhe në sasi të mjaftueshme vaksinat Covid me fillimin e prodhimit të tyre, ashtu si na ka vendosur jashtë kontekstit edhe për vaksinimin ndaj virozave periodike?, shkruan ish-ministri në rrjetet sociale./ CNA.al